گورباچيەۆتى ۆيلنيۋستەگى تەلەمۇنارانى باسىپ الۋ ءىسى بويىنشا سوتقا شاقىرتتى
1991 -جىلى ۆيلنيۋستە سوۆەت اسكەرى تەلەمۇنارانى شابۋىلداپ قايتارىپ الۋ كەزىندە ءجۇز شاقتى ادام قازا تاپقان.
Delfi اگەنتتىگىنىڭ حابارلاۋىنشا، سۋديا شاقىرتۋدى ماسكەۋدەگى گورباچيەۆ قورى قابىلداپ العانىن، ونى گورباچيەۆتىڭ ءوزى قول قويىپ قابىلداپ العان. ءبىراق گورباچيەۆ سوتتا جاۋاپ بەرەتىنى جانە قالاي جاۋاپتالاتىنى بەلگىسىز. بۇعان دەيىن ۆيلنيۋس وكرۋگتىك سوتى گورباچيەۆتىڭ سوت وتىرىسىنا كەلۋىن مىندەتتەمەيتىنىن، جاۋابىن ۆيدەو كونفەرەنسيا ارقىلى تىڭداۋعا دايىن ەكەنىن مالىمدەدى.
ليتۆا بيلىگى ميحايل گورباچيەۆتى تەلەمۇنارانى شابۋىلداپ باسىپ الۋ ىسىنە قاتىستى بىرنەشە رەت تەرگەمەك بولعان. ءبىراق رەسەي جاعى ودان باس تارتىپ كەلگەن.
گورباچيەۆتى بۇل ءىس بويىنشا سوتقا كۋاگەر رەتىندە تارتۋدى 1991 - جىلعى وقيعادا قازا تاپقانداردىڭ ءبىرىنىڭ ۇلى سۇراعان. قازا تاپقان ادامنىڭ ۇلى گورباچيەۆ ك گ ب ارنايى جاساعىنىڭ ۆيلنيۋستەگى تەلەمۇنارانى شابۋىلداپ باسىپ الماق بولعانىن بىلگەن بولۋى مۇمكىن دەيدى. گورباچيەۆتىڭ ءوزى تەلەمۇنارانى باسىپ الۋعا بۇيرىق بەرمەگەنىن ايتادى.
تەلەمۇنارانى باسىپ الۋعا قاتىستى ءىس 2016 - جىلدىڭ باسىنان قارالىپ جاتىر. قازىر سوت قىلمىستىق ىسكە جابىرلەنۋشى رەتىندە تارتىلعان 500 گە جۋىق ادامنان جاۋاپ الىپ جاتىر.
«ازاتتىق» جاڭالىقتارى
