دجەيمس مەتتيس ا ق ش قورعانىس ءمينيسترى بولىپ بەكىدى

استانا. قازاقپارات- ا ق ش سەناتى وتستاۆكاداعى گەنەرال دجەيمس مەتتيستىڭ كانديداتۋراسىن قورعانىس ءمينيسترى قىزمەتىنە بەكىتۋ تۋرالى شەشىمدى ءبىر كىسىدەي دەرلىك قولداپ، داۋىس بەردى.

مەتتيس سودان بىرنەشە ساعات بۇرىن عانا رەسمي قىزمەتىن اتقارۋعا كىرىسكەن ا ق ش- تىڭ جاڭا پرەزيدەنتى دونالد ترامپ باسقاراتىن ۇكىمەتتىڭ سەنات ماقۇلداۋىنان وتكەن العاشقى مۇشەسى. وسىنىڭ الدىندا عانا ترامپ بۇعان دەيىن كونگرەسس قابىلداعان زاڭعا قول قويعان. ول قۇجات مەتتيستىڭ وتستاۆكاعا كەتكەنىنە زاڭدا كورسەتىلگەندەي ءالى جەتى جىلعا تولماسا دا، ونى قورعانىس ءمينيسترى ەتىپ تاعايىنداۋعا مۇمكىندىك بەرەدى.

دجەيمس مەتتيس اسكەري مايداندا تاجىريبە جيناقتاعان گەنەرال، ول يراكتاعى سوعىس ءىس- قيمىلدارىنا قاتىسقان. سونىمەن بىرگە ول اسكەري تەورەتيك رەتىندە تانىلعان.

ترامپ اكىمشىلىگىندەگى لاۋازىمدى قىزمەتكە ۇسىنىلعان وزگە كانديداتتاردى بەكىتۋ ماسەلەسى ا ق ش سەناتتا جاقىن ارادا قارالماق. كەيبىر كانديداتتاردى بەكىتۋگە دەموكراتتار قارسى بولعانىمەن، سەناتتا 100 ورىننىڭ 52-ىنە يە رەسپۋبليكاشىلدار باسىم.

http://www.azattyq.org