ۋنيۆەرسيادادا سپورتشىلار قازاقتىڭ ۇلتتىق تاعامدارىنان ءدام تاتادى

الماتى. قازاقپارات - اتلەتتەر اۋىلىندا ۋنيۆەرسيادا كەزىندەگى سپورتشىلاردى تاماقتاندارۋ ءمازىرى تانىستىرىلدى، دەپ حابارلايدى قازاقپارات ءتىلىشىسى.

 اتلەتتەر اۋىلىنداعى اسحانادا 5 ءتۇرلى تاعام ءمازىرى ۇسىنىلماق. ولار: قازاقتىڭ ۇلتىق داستارحانى، ازيالىق، ەۋروپالىق، ۆەگەتارياندىق، حالال تاعامدار.

«الەمنىڭ بارلىق اسحانالارىنداعى اس ءمازىرى دايىندالماق. اس مازىرىندە پيتستسا، ستەيكتەر، پاستا، سپرينگ- رولل، «توم يام» تاي ەلىنىڭ سورپاسى، ت. ب ازىرلەنبەك. ارينە، قازاق ۇلتتىق تاعامدارى دا ازىرلەنەدى. اسحانالاردا سپورتشىلار ءۇشىن قازاقتىڭ ۇلتتىق دامدەرىن بەرەتىن شايحانانىڭ جۇمىسى ۇيىمداستىرىلادى. قوناقتارىمىز اسىلعان ەت، قۋىرداق، نارىن سەكىلدى تاعامدارىمىزدىڭ دا ءدامىن تاتا الادى»، - دەدى Royal Catering كومپانياسى باس ديرەكتورىنىڭ ورىنباسارى ينديرا احمەتوۆا.

FISU تالاپتارى بويىنشا اتلەتتەرگە بەرىلەتىن كۇندىك كالوريا نورماسى (400-4500) انىقتالعان. سپورتشىلاردىڭ تاۋىلىكتەگى اس مازىرىندە ماڭىزدى تاعامدار قوسىلعان. ولار: ءسۇت ونىمدەرى، ەت، نان. سونىمەن قاتار، ولارعا دەنساۋلىقتى كۇشەيتەتىن ءتۇرلى سۋسىندار بەرىلەدى.

اۆتور: الماس مۇقاش ۇلى