مەكتەپ باعدارلاماسىنا «قازاقستان حالقىنىڭ سالت- ءداستۇرى» ءپانى ەنگىزىلۋى مۇمكىن
ءوڭىر بويىنشا 409 بالامەن جاسالعان ساۋالناما ناتيجەسى وقۋشىلاردىڭ دەنى ۇلتتىق قۇندىلىقتاردان بەيحابار ەكەنىن كورسەتكەن.
ۇزاق تالقىلانىپ، تالداۋدان وتكەن جوبانى قۇپتاۋشىلار كوپ. وقۋ جىلىنىڭ سوڭىنا دەيىن وسكەمەن، سەمەي، ۇلان جانە گلۋبوكوە اۋداندارىنداعى 9 مەكتەپتىڭ 5-سىنىپ وقۋشىلارى اتالعان ءپاندى وقي باستادى. ازىرگە ەكى ارنايى باعدارلاما دايىندالعان. تيىمدىلىگىن اقتاعانى جاڭا وقۋ جىلىنان باستاپ، جۇيەلى كادەگە اسىرىلادى.
ايجان سادىقوۆا، وبلىستىق ءبىلىم باسقارماسىنىڭ باسشىسى:
- مينيسترلىكتەن دە بۇل كۋرستى جەتىلدىرۋ بويىنشا ۇسىنىس كەلىپ ءتۇستى. سول ەكى اۆتورلىق توپتىڭ كۋرستارى مەكتەپتەردە جۇرگىزىلۋدە. بۇل كۋرستى جۇرگىزۋگە ءبىزدىڭ مۇعالىمدەر الدىن الا دايىندالعان.
ماقسات مەدىعاتوۆ، وبلىستىق پروكۋراتۋرانىڭ ءبولىم باسشىسى:
- ءبىزدىڭ ءوز تاجىريبەمىزدە كەزدەسكەندەي باسقا جات اعىمدارعا نەگە باس ۇرادى. ولار ءوز ءداستۇرىن قۇرمەتتەمەۋى سالدارىنان جەتىك بىلمەيدى.
www.24.kz
