ازەربايجاندار «قارالى قاڭتار» قۇرباندارىن ەسكە الدى
ءىس- شاراعا وبلىستىق قازاقستان حالقى اسسامبلەياسى حاتشىلىعىنىڭ باسشىسى گ. شاكىروۆا، «قوعامدىق كەلىسىم» ك م م- ءنىڭ باسشىسى ت. امان- تۋرلينا جانە ەتنومادەني بىرلەستىكتەردىڭ باسشىلارى مەن مۇشەلەرى قاتىستى.
وسىدان جيىرما جەتى جىل بۇرىن كەڭەستىك مەملەكەتتىڭ اسكەري ماشيناسى باكۋدە ۇلتتىق ەركىندىك پەن ءوز ەلىنىڭ اۋماقتىق تۇتاستىعى ءۇشىن جينالعان بەيبىت حالىقتى قاتىگەزدىكپەن باسىپ، كوپتەگەن ادامنىڭ ولىمىنە سەبەپشى بولعان. الايدا ول ءازىربايجان حالقىنىڭ ەرىك- جىگەرىن، ءوز تاۋەلسىزدىگىنە دەگەن ۇمتىلىسىن توقتاتا المادى. بۇل وقيعالار ازەربايجان تاريحىنا «قارالى قاڭتار» دەگەن اتاۋمەن ەندى.
1990 -جىلدىڭ 20 - قاڭتارىندا ەرلىكپەن قازا تاپقان ازاماتتارعا ارنالىپ باكۋ قالاسىنىڭ تاۋلى ساياباعىندا باتىرلار اللەياسى قۇرىلدى. بۇل كۇن ءازىربايجاندا توتاليتارلىق رەجىمنىڭ قۇرباندارىن ەسكە الۋ كۇنى بولىپ جاريالاندى. جىل سايىن ەل استاناسىنىڭ مىڭداعان تۇرعىندارى وسى وقيعالاردىڭ قۇرباندارىن ەسكە الىپ مەموريالعا گۇل شوقتارىن قويۋعا كەلەدى.
اتىراۋ وبلىسىنىڭ قازاقستان حالقى اسسامبلەياسى حاتشىلىعىنىڭ باسشىسى گ. شاكىروۆا، «قوعامدىق كەلىسىم» ك م م- ءنىڭ باسشىسى ت. امان- تۋرلينا، «ۆايناح» شەشەن- ينگۋش ەتنومادەني بىرلەستىگىنىڭ ءتوراعاسى ز. زۋباريەۆ ءوز سوزدەرىندە قاڭتارداعى قانتوگىس ورتاق قايعى ەكەنىن اتاپ ءوتتى.
1990 -جىلى باكۋدە بولعان «قارالى قاڭتار» تراگەدياسى 1986 - جىلى الماتىدا، 1989 - جىلى تبيليسيدە بولعان قاندى وقيعالاردىڭ جالعاسى بولىپ تابىلادى.
