ورالدا جىرشى- تەرمەشى فارحات ورازوۆتىڭ شىعارماشىلىق كەشى ءوتتى

ورال. قازاقپارات - ع. قۇرمانعاليەۆ اتىنداعى وبلىستىق فيلارمونيا زالىندا رەسپۋبليكالىق جانە حالىقارالىق جىرشى- تەرمەشىلەر بايقاۋلارىنىڭ جەڭىمپاز- جۇلدەگەرى فارحات ورازوۆتىڭ «بابادان قالعان جاۋھار جىر» اتتى شىعارماشىلىق كەشى ءوتتى،
None
None

 دەپ حابارلايدى «قازاقپارات» ح ا ا ءتىلشىسى.

قىرىق جاستىڭ قىرقاسىنا كوتەرىلۋىنە وراي العاش رەت ۇيىمداستىرىلىپ وتىرعان جەكە كونسەرتىندە فارحات ورازوۆ ناۋرىزبەك جىراۋ، ماحامبەت وتەمىس ۇلى، كەردەرى ابۋباكىر، سارتاي كوشكىنشى ۇلى جانە باسقا حالىق كومپوزيتورلارىنىڭ ءان- جىرلارىن ناقىشىنا كەلتىرە ورىندادى.

 كەشتە سونداي- اق قازاقستاننىڭ ەڭبەك سىڭىرگەن ءارتىسى ساۋلە تاۋدايەۆا، رەسپۋبليكالىق بايقاۋلاردىڭ لاۋرەاتتارى اسحات وراز، ناۋرىزبەك جىراۋدىڭ شاكىرتى قونىس يۋسۋپوۆ، ارمات يسلامعاليەۆ، ارتۋر سيسەنوۆ، اقمارال كەمەلحانوۆا، «ورال سازى» فولكورلىق ءانسامبلى (جەتەكشىسى اسقار كەنجەعاليەۆ) ونەر كورسەتتى.

 ايتا كەتەيىك، فارحات ورازوۆ ءۇشىن وتكەن جىل اسا تابىستى بولدى. ول ورالدا 2016 -جىلدىڭ قاراشا ايىندا جاقسىلىق سارسەنعاليەۆ، قالامقاس وراشيەۆا جانە قالامپىر راحيموۆانى ەسكە الۋعا ارنالعان «تەرمەلەتىپ جىرلايىن» اتتى رەسپۋبليكالىق تەرمەشىلەر بايقاۋى مەن اتىراۋدا ق ر تاۋەلسىزدىگىنىڭ 25 جىلدىعىنا وراي جەلتوقساندا وتكەن «جاساي بەر، قازاق ەلى» اتتى رەسپۋبليكالىق جىراۋلار بايقاۋىنىڭ باس جۇلدەسىن يەلەنگەن بولاتىن.

وعان قوسا باشقۇرتستان استاناسى ۋفا قالاسىندا 23-24 - قازاندا وتكەن بۇكىل رەسەيلىك جىرشىلار (سەسەندەر) فەستيۆالىنىڭ كۇمىس جۇلدەگەرى جانە الماتى قالاسىندا قاراشا ايىندا «تەكتى ءسوزدىڭ تورەسى - تەرمە» جىرشى- تەرمەشىلەردىڭ رەسپۋبليكالىق بايقاۋىنىڭ ەكىنشى ورىن يەگەرى اتانعان ەدى.

اۆتور: ەلجان ەرالى

سوڭعى جاڭالىقتار