ترامپ ا ق ش پرەزيدەنتى قىزمەتىنە كىرىستى
جاسى جەتپىستەگى بيزنەسمەن ترامپ بۇرىنعى مەملەكەت باسشىسى، ەكى مەرزىمگە سايلانعان باراك وبامانىڭ ورنىنا كەلىپ، ا ق ش- تىڭ 45- پرەزيدەنتى اتاندى، دەپ حابارلايدى رەسەيلىك «ر ي ا نوۆوستي» اگەنتتىگى.
«مەن، دونالد ترامپ، قۇراما شتاتتاردىڭ پرەزيدەنتى قىزمەتىن ادال اتقارۋعا جانە قۇراما شتاتتاردىڭ كونستيتۋتسياسىن قولداۋعا، ساقتاۋعا جانە قورعاۋعا بار كۇشىمدى جۇمساۋعا سالتاناتتى تۇردە انت ەتەمىن»، - دەدى وڭ قولىن كوتەرىپ جانە سول قولىن ىنجىلگە قويعان ترامپ.
بۇدان كەيىن ا ق ش جوعارعى سوتىنىڭ ءتوراعاسى دجون روبەرتس ترامپتى قىزمەتكە كىرىسكەنىمەن قۇتتىقتادى، ول وتباسىنا بۇرىلىپ جاقىندارىن قۇشاقتادى.
ۇلىقتاۋ ءراسىمى بارىسىندا سويلەگەن سوزىندە ترامپ ا ق ش- تىڭ جانە الەمىنىڭ دامۋ باعىتىن ۇزاق جىلدارعا الدىن الا انىقتاۋعا ۋادە بەردى جانە بيلىكتى ۆاشينگتوننان حالىققا بەرەتىنىن ءمالىم ەتتى.
