تۇركيا پارلامەنتى پرەزيدەنتتىك باسقارۋ تۇرىنە اۋىسۋدى قولدادى

استانا. قازاقپارات - تۇركيا پارلامەنتى پرەزيدەنتتىك باسقارۋ تۇرىنە اۋىسۋ تۋرالى كونستيتۋتسياداعى وزگەرىستەر جيىنتىعىن ماقۇلدادى، بۇعان داۋىس بەرۋ ناتيجەسى دالەل، دەپ حابارلايدى ر ي ا نوۆوستي.

18 باپتان تۇراتىن زاڭدى قابىلداۋعا 339 دەپۋتات كەلىسىم بەرگەن. سوڭعى شەشىم قابىلداۋ ءۇشىن زاڭ رەفەرەندۋمعا جىبەرىلەدى.

«اتقارىلعان جۇمىستار ءۇشىن دەپۋتتارعا العىس بىلدىرەمىن، ەندى حالىقتىڭ ويىن بىلگىمىز كەلەدى»، دەپ مالىمدەدى تۇركيا پرەمەرى بينالي يىلدىرىم.

جاقىن كۇندەرى تۇركيا پرەزيدەنتى تايىپ ەردوعان زاڭعا قول قويادى دەپ كۇتىلۋدە، ودان كەيىن زاڭ ءماتىنى رەسمي جاريالانعاننان كەيىن 60 كۇن وتكەن سوڭ رەفەرەندۋم وتەدى.

تۇركيا رەسپۋبليكاسى قۇرىلعان 1923 -جىلدان بەرى ەلدە پارلامەنتتىك باسقارۋ جۇيەسى بولدى. ال ونىڭ ورنىنا پرەزيدەنتتىك باسقارۋ جۇيەسىن ەنگىزۋدى قاراستىراتىن نەگىزگى زاڭعا وزگەرىستەردى پارلامەنتكە تۇركيانىڭ ادىلەت جانە دامۋ پارتياسى ەنگىزدى.

رەفەرەندۋمدا قابىلدانعان جاعدايدا 2019 -جىلدان باستاپ ەنگىزىلەتىن وزگەرىستەر پرەزيدەنتتىڭ قۇزىرىن كەڭەيتە تۇسەدى. اتاپ ايتقاندا ول جارلىق شىعارىپ، مينيسترلەردى تاعايىنداۋ قۇقىعىنا يە بولادى جانە بۇل جاعدايدا پرەمەر- ءمينيستردىڭ لاۋازىمى توقتاتىلادى. قولدانىستاعى نورما قاراستىرعانداي، مەملەكەت باسشىسى پارتياعا مۇشەلىگىن دە توقتاتپاۋى ءتيىس.