جامبىل وبلىسىندا وڭەشى كۇيگەن بالالار سانى ارتۋدا

تاراز. قازاقپارات - جامبىلدىق دارىگەرلەر سوڭعى جىلدارى وڭەشى كۇيگەن بالالار سانىنىڭ كۇن ساناپ ارتىپ كەلە جاتقانىن ايتادى، دەپ حابارلايدى «قازاقپارات» ح ا ا ءتىلشىسى جامبىل وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ.

جامبىل وبلىستىق بالالار اۋرۋحاناسىنىڭ مالىمەتىنە سۇيەنسەك، لور- بولىمدە سوڭعى ءۇش جىلدا تۇرمىستىق حيميانى جۇتىپ، «اۋىز قۋىسىنىڭ شىرىشتى قاباتىنىڭ، جۇتقىنشاقتىڭ، وڭەشتىڭ حيميالىق كۇيىگى» دياگنوزىمىمەن ەمدەلگەن 59 بالا تىركەلگەن.

2014 -جىلى قاۋىپتى قۇرالدان وڭەشى كۇيگەن 14 بالا، 2015 -جىلى - 17 بالا جانە 2016 -جىلى - 28 بالا زارداپ شەكتى.

دارىگەرلەر وسىندايعا جاعدايعا كوبىنەسە ەرەسەكتەردىڭ نازارىنان تىس قالىپ، بارلىق جاڭا نارسەنى تانىپ- بىلگىسى كەلەتىن 1 دەن 3 جاس ارالىعىنداعى بالالاردىڭ تاپ بولاتىنىن ايتۋدا. باستى ماسەلە - ولاردىڭ ۋلانۋى مەن كۇيىككە شالىنۋى ەمەس، ونىڭ سالدارىنان وڭەشتىڭ تىرتىقتانىپ، تارتىلۋىنا اكەپ سوعۋى. ەمدەردى دۇرىس قابىلداعاننىڭ وزىندە وڭەشتىڭ تارىلۋىنان ايىعۋ مۇمكىن ەمەس.

«العاشقى كومەك كورسەتۋ ماقساتىندا بالاعا كوپ كولەمدە سۋ ىشكىزىپ، جەدەل جاردەم شاقىرتۋ كەرەك. دارىگەر اسقازانىن تازالاپ شايۋى قاجەت، سوندا عانا ۋدىڭ تارالۋى نەمەسە اسقازاننىڭ كۇيۋىنەن قۇتىلۋعا بولادى. كەيىننەن ەم قابىلداۋ ستاتسيوناردا جالعاسادى. اتا-انالار وڭەشتىڭ كۇيۋى وڭاي ەكەنىن، ءبىراق ونى ەمدەۋدىڭ وتە قيىن جانە بالاعا اۋىر تيەتىندىگىن ەستەن شىعارماۋلارى قاجەت»، - دەپ تۇيىندەدى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.