شەتەلدەگى قانداستارىمىزدىڭ اتامەكەنگە ورالۋىنا قازاقستان ديپلوماتتارى ءوز ۇلەسىن قوستى - سىدىقوۆ

بۇل تۋرالى بۇگىن استانادا وتكەن سايلاۋ باتىرشا ۇلىنىڭ 75 جىلدىعىنا ارنالعان «قازاقستان رەسپۋبليكاسىنىڭ ديپلوماتياسى: قالىپتاسۋى، دامۋى جانە كەلەشەگى» اتتى حالىقارالىق عىلىمي- تاجىريبەلىك كونفەرەنتسيادا ە ۇ ۋ رەكتورى، اكادەميك ەرلان سىدىقوۆ ءمالىم ەتتى.
ول سايلاۋ باتىرشا ۇلىنىڭ ەڭبەك جولىنا شولۋ جاساي وتىرىپ، قازاق ديپلوماتتارىنىڭ مەملەكەت ەگەمەندىگى تۋرالى دەكلاراتسيانى جانە تاۋەلسىزدىك جاريالاۋ جونىندەگى قۇجاتتاردى دايىنداۋعا قوسقان ۇلەستەرى تۋرالى باياندادى.
«رەسپۋبليكامىزدىڭ سىرتقى ساياساتىن ۋاقىت تالابىنا لايىق مول بىلىممەن زور تاباندىلىقپەن جۇزەگە اسىرۋ بارىسىندا س. باتىرشا ۇلى ايانباي ەڭبەك ەتىپ، ديپلوماتيكالىق ونەردىڭ تاماشا ۇلگىسىن كورسەتتى. ول وزىنە جۇكتەلگەن ديپلوماتيكالىق جۇمىستاردى ابىرويمەن اتقارا ءجۇرىپ، ك س ر و سىرتقى ىستەر مينيسترلىگىنە كەڭەسشى دەگەن دەڭگەيگە دەيىن كوتەرىلدى.
جاۋاپكەرشىلىگى وراسان زور ديپلوماتيالىق، مەملەكەتتىك قىزمەتتەر اتقارعان ازاماتتىڭ بيىكتەرگە شارىقتاعان دا، قيسىنسىز قۋدالانعان دا ساتتەرى بولدى. تاۋەلسىزدىك سامالى ەسكەن جىلداردا قازاقستاننىڭ سىرتقى ساياسي مەكەمەسىنە كاسىبي، كادىمگى ديپلومات قاجەتتىلىگى تۋىپ، پرەزيدەنت ن. نازاربايەۆتىڭ جارلىعىمەن سىرتقى ىستەر مينيسترلىگىنىڭ بۇرىن بولماعان ورىنباسارى شتاتى ەنگىزىلدى. سول ورىنعا س. باتىرشا ۇلى تاعايىندالىپ، حالىقارالىق دەڭگەيدەگى بەلسەندى ديپلوماتيالىق قىزمەتتەر اتقارۋىنا جول اشىلدى. قازاق ديپلوماتتارى 1990 - جىلى مەملەكەت ەگەمەندىگى تۋرالى دەكلاراتسيانى جانە تاۋەلسىزدىك جاريالاۋ جونىندەگى قۇجاتتاردى دايىنداۋعا ءوز ۇلەستەرىن قوستى. سىرتقى ىستەر مينيسترلىگى بۇل ماڭىزدى قۇجاتتارعا ءوز تارپىنان «قازاقستاننىڭ شەت ەلدەرمەن ساياسي، ساۋدا جانە مادەني بايلانىستار جاساۋىنا وزىندىك قۇقىعى بار ءارى ءبىزدىڭ ەل دۇنيە جۇزىندەگى قازاقتاردىڭ اتامەكەنىنە ورالۋىنا جاعداي جاسايدى» دەگەن تارماقتى ۇسىندى. موڭعولياعا ءۇش رەت رەسمي ساپارمەن بارىپ، 60 مىڭنان استام قازاقتىڭ تاريحي وتانىنا ورالۋىنا مۇمكىندىك تۋعىزعان قۇجاتتاردىڭ قابىلدانۋىنا تىكەلەي ات سالىستى» ، - دەپ اتاپ ءوتتى اكادەميك ە. سىدىقوۆ.
اۆتور: ريزابەك نۇسىپبەك ۇلى