استانادا قازاقستان ديپلوماتياسى تاقىرىبىندا كونفەرەنسيا ءوتتى
سايلاۋ باتىرشا- ۇلىن قۇتتىقتاۋعا ق ر سىرتقى ىستەر ءمينيسترىنىڭ ورىنباسارى ر. ۆاسيلەنكو، قازاقتىڭ تۇڭعىش عارىشكەرى، كەڭەس وداعىنىڭ باتىرى توقتار اۋباكىروۆ، ق ر ءدىن ىستەرى جانە ازاماتتىق قوعام ءمينيسترىنىڭ ورىنباسارى بەرىك ارىن كەلدى. سونىمەن قاتار ءبىرقاتار ەلدەردىڭ قازاقستانداعى توتەنشە جانە وكىلەتتى ەلشىلىگىنىڭ وكىلدەرى، سايلاۋ باتىرشا ۇلىنىڭ ءار جىلداردا قىزمەتتەس بولعان ارىپتەستەرى دە وسى كونپەرەنتسيانىڭ قوناعى بولدى.
كونفەرەن سيا بارىسىندا قازاقستان رەسپۋبليكاسى پارلامەنت سەناتىنىڭ ءتوراعاسى قاسىم جومارت توقايەۆ، ق ر پرەزيدەنتىنىڭ كومەكشىسى نۇرلان ونجانوۆ، «نۇر وتان» پارتياسى ءتوراعاسىنىڭ ءبىرىنشى ورىنباسارى مۇحتار قۇل- مۇحامەد قاتارلى ساياسي كوشباسشىلار مەن ءبىرقاتار وبلىس اكىمدەرىنىڭ مەرەيتويلىق قۇتتىقتاۋلارى وقىلدى.
سونىمەن بىرگە كونفەرەنتسيا اياسىندا بەلگىلى جۋرناليست مۇرات الماسبەك ۇلىنىڭ سايلاۋ باتىرشا ۇلىمەن ەسسە- ديالوگ رەتىندە جازىلعان «تاۋەلسىزدىك جولىنداعى ديپلوماتيا» اتتى كىتابىنىڭ تانىستىرىلىمى بولدى.
كونفەرەنتسيا بارسىندا ءسوز العان عارىشكەر توقتار اۋباكىروۆ سايلاۋ باتىرشا ۇلىن 75 جىلدىق مەرەيتويىمەن قۇتتىقتاي وتىرىپ، ديپلوماتيالىق قىزمەتتىڭ ماڭىزدىلىعىنا توقتالدى.
«سايلاۋ باتىرشا ۇلى 75 جىل ىشىندە ءبلىمى، بىلىلكتىلىگى، ۇلتجاندىلىعى ارقاسىندا ۇلتىمىزعا، ەلىمىزگە ۇلكەن ۇلەس قوستى. ەڭ قيىن كۇردەلى كەزەڭدەردە شىڭدالعان تۇلعالاردىڭ ءبىرى. ديپلوماتيا - اۋىر ءارى جاۋاپكەرشىلىگى مول قىزمەت. ول - جاقسى كيىممەن، جاقسى جۇرىسپەن ولشەنبەيدى. قاتە ايتىلعان ءبىر اۋىز ءسوزىڭ باس جارىپ، كوز شىعارۋى مۇمكىن. وسىنداي ۇلكەن مىندەتتى سايلاۋ باتىرشا ۇلى ابىرويمەن اتقارا ءبىلدى» ، - دەدى توقتار اۋباكىروۆ.
اۆتور : ريزابەك نۇسىپبەك ۇلى
