استانا تۇرعىندارى اعاشتارعا نەگە تور جابىلعانىن تۇسىنە الماي ءجۇر

«استانا- زەلەنستروي» اق شىرشالاردى كۇن ساۋلەسىنەن قورعاۋ ءۇشىن پروفيلاكتيكالىق شارالار جۇرگىزۋدە. قاڭتار ايىنان بەرى استانادا كۇن اشىق. ال اقپان- ناۋرىز ايلارىنداعى جىلىمىقتا قىلقان شىعادى. فوتوسينتەز بولىپ، وعان اعاش تىندەرىندە جينالعان سۋ جۇمسالادى. مۇزداعان توپىراقتان ەش ىلعال كەلمەيتىندىكتەن، قىلقانعا سۋ جەتىسپەيدى. كۇن ساۋلەلەرى دە فيزيولوگيالىق نۇقسان كەلتىرەدى. ءساۋىر ايىنىڭ ورتاسى مەن اياعىندا توپىراق ءجىبىپ، وسىمدىك تامىرلارى ودان ىلعال الاتىندىقتان، بۇل ۋاقىتتا كۇن ساۋلەلەرى قاۋىپ توندىرمەيدى»، - دەپ حابارلادى كومپانيانىڭ الەۋمەتتىك جەلىدەگى رەسمي اككاۋنتى.
مامانداردىڭ ايتۋىنشا، قالانىڭ وڭتۇستىك، وڭتۇستىك- شىعىس جانە وڭتۇستىك- باتىس بولىگىنە، اۋىر توپىراققا وتىرعىزىلعان وسىمدىكتەرگە كوبىرەك قاۋىپ ءتونىپ تۇر. اسىرەسە بىلتىر جانە بيىل وتىرعىزىلىپ، قالا ەرەكشەلىگىنە بەيىمدەلىپ ۇلگەرمەگەن وسىمدىكتەر دە قاتەر الدىندا تۇر.