قازاقستاننىڭ سانيتارلىق قىزمەتىنىڭ باسشىسىن دەنساۋلىق ساقتاۋ ۆيتسە-ءمينيسترى ەتۋ ۇسىنىلدى

ونىڭ ايتۋىنشا، بۇگىندە كاسىپكەرلەرگە جۇرگىزىلەتىن سانيتارلىق- ەپيدەميولوگيالىق تەكسەرىستەردىڭ سانى از ەمەس. الايدا، كاسىپكەرلەر تاراپىنان ول تالاپتاردى ورىنداۋ جاعى ءالى دە اقساپ تۇر. تەكسەرىستەر كەزىندە قاتاڭ جازالاۋ شارالارى ءجيى قولدانىلادى. ال، الدىن الۋ جۇمىستارى جۇرگىزىلمەيدى، جۇيە جوق. سونىڭ بىردەن-ءبىر سەبەبى - سانيتارلىق-ەپيدەميولوگيالىق قىزمەتتىڭ دۇرىس جولعا قويىلماۋى، ءبىر مينيسترلىكتەن ەكىنشى مينيسترلىككە قايتا- قايتا اۋىستىرىلۋى.
«بۇرىن سانيتارلىق- ەپيدەميولوگيالىق قىزمەت دەنساۋلىق ساقتاۋ سالاسىندا "پروكۋراتۋرا" سياقتى بولعان. ال بىزدەگى رەفورمالاردىڭ ناتيجەسىندە ول باسقا ءبىر مەملەكەتتىك ورگانعا كىرىپتار بولىپ قالدى. سوندىقتان بۇگىندە سانيتارلىق- ەپيدەميولوگيالىق قىزمەتتى دەنساۋلىق ساقتاۋ مينيسترلىگىنە اۋىستىرىپ قانا قويماي، اتالعان قىزمەتتىڭ باسشىسىن ءمينيستردىڭ ورىنباسارىنا دەيىن كوتەرۋ كەرەك دەپ ويلايمىن. ونداي تاجىريبە كەڭەستەر كەزىندە بولعان. سونى قايتارۋ قاجەت. ەستەرىڭىزدە بولسا، قازاقستاندا باس سانيتارلىق دارىگەر ىلعي ءمينيستردىڭ ءبىرىنشى ورىنباسارى قىزمەتىن اتقاردى. سول كەزدە اتالعان قىزمەتتىڭ ابىرويى بولدى. فاكۋلتەتتەر جۇمىس ىستەدى. مەديتسينالىق ۋنيۆەرسيتەتتەر ارنايى مامان وقىتتى. بىلۋىمشە، قازىر ونداي ماماندىق جوق. سونىڭ سالدارىنان سانيتارلىق- ەپيدەميولوگيالىق قىزمەتكە كاسىبي بىلىكتىلىگى تومەن ماماندار كەلەدى. ءتىپتى، مەديتسينالىق ماماندىعى جوق ادامدار بار. ال ولاردىڭ نە ءۇشىن كەلىپ جۇرگەنى ايتپاسا دا تۇسىنىكتى»، - دەدى سۇلەيمەنوۆ باس پروكۋراتۋرادا وتكەن كەڭەستىڭ بۇگىنگى وتىرىسىندا.
ايتا كەتەيىك، بۇگىندە سانيتارلىق- ەپيدەميولوگيالىق قىزمەت ق ر ۇلتتىق ەكونوميكا مينيسترلىگىنىڭ تۇتىنۋشىلار قۇقىقتارىن قورعاۋ كوميتەتىنىڭ قۇرامىنا كىرەدى. باس مەملەكەتتىك سانيتارلىق دارىگەر قىزمەتىن جانداربەك بەكشين اتقارادى.
اۆتور: ارمان اسقاروۆ