ساراپشىلار ترامپتىڭ ۇلىقتاۋ ءراسىمى قارساڭىندا قازاقستاندىق تەڭگەنىڭ نىعايعانىن ايتۋدا

استانا. قازاقپارات - قارجى ساراپشىسى ا ق ش- تىڭ جاڭا پرەزيدەنتى دونالد ترامپتىڭ ۇلىقتاۋىنىڭ ۆاليۋتا ساۋداسىنا تيگىزگەن اسەرى تۋرالى ايتىپ بەردى، دەپ حابارلايدى قازاقپارات.
None
None

«قىسقا مەرزىم ىشىندە 16 جانە 18 -قاڭتاردا دامۋشى ەلدەردىڭ ۆاليۋتا نارىعى ءبىرشاما سەنىمدى بولدى. ءبىراق سونشالىقتى كوپ مولشەردە قارقىن العان جوق. دامۋشى ەلدەردىڭ ۇلتتىق ۆاليۋتالارىنا باررەلىنە $54-57 شاماسىندا ساۋدالىنپ كەلگەن مۇناي قۇنىنىڭ تۇراقتىلىعى جاقسى اسەر ەتتى. نارىققا سونىمەن قاتار ترامپ يناۋگۋراتسياسىنىڭ فاكتورى دا ىقپال ەتۋدە. ءبىراق ول فاكتور بارلىق ۆاليۋتالارعا بىردەي اسەر ەتىپ جاتقان جوق. وسى ارالىقتا ەشبىر ۆاليۋتا ءبىر پايىزعا دا وسكەن جوق تا، ءبىر پايىزعا تۇسكەن دە جوق. بۇل نارىقتاردىڭ قاي باعىتتا داميتىندىقتارىن ءالى انىقتاپ الماعاندىعىن بىلدىرەدى»، - دەيدى «الپاري» كومپانياسىنىڭ اناليتيكالىق دەپارتامەنتى ديرەكتورىنىڭ ورىنباسارى ناتاليا ميلچاكوۆا.

ونىڭ سوزىنە قاراعاندا، وسى كەزەڭدەردە ءوسىم بويىنشا قازاقستاندىق تەڭگە (%0,89+) مەن ۆەنگريالىق فورينت (%0,8+) كوشباسشى بولدى. سونىمەن قاتار دوللارعا شاققاندا رەسەي ءرۋبلى دە نىعايعان (%0,58+). جارتى پايىزدان تومەن كورسەتكىشكە پولشالىق زلوتىي، وڭتۇستىك افريكالىق رەند، ۇندىلىك رۋپيا، قىتايلىق يۋان وسكەنى بايقالادى.

تومەن قۇلدىراۋ بويىنشا، مەكسيكالىق پەسو (%0,91-) مەن تۇركيالىق ليرا (%0,66-) كوشباسشى اتانىپ وتىر.

ناتاليا ميلچاكوۆانىڭ ويىنشا، تەڭگە باعامىنا مۇناي باعالارىنىڭ تۇراقتىلىعى عانا ەمەس، جاقىندا رەسەي سىرتقى ىستەر ءمينيسترى سەرگەي لاۆروۆتىڭ سيريا داعدارىسى بويىنشا استانا پروتسەسىنە ا ق ش- تىڭ جاڭا پرەزيدەنتى دونالد ترامپتىڭ اكىمشىلىگى قاتىسۋى ىقتيمال دەگەن مالىمدەمەسى دە اسەر ەتكەن بولۋى مۇمكىن. بۇل ءوز كەزەگىندە استانا پروتسەسىنىڭ بەدەلىن ەداۋىر ارتتىراتىنى ءسوزسىز جانە سيريا داعدارىسىن وڭ شەشۋگە ىقپال ەتپەك.

«تەڭگە باعامى بويىنشا، ءبىز ونىڭ 1 دوللار ءۇشىن 330-332 تەڭگە، ال ەۋرو بويىنشا، 352-355 تەڭگە بولادى دەپ بولجاپ وتىرمىز»، - دەدى ول.

 

 

 

سوڭعى جاڭالىقتار