ايگىلى اكتريسا ءامينا ءومىرزاقوۆا تۋرالى ءبىر ۇزىك سىر

استانا. قازاقپارات - 1938 -جىلى لەنينگراد مەملەكەتتىك تەاتر، مۋزىكا جانە كينوماتوگرافيا ينستيتۋتىن ءبىتىرىپ كەلە سالىسىمەن ءامينا ءومىرزاقوۆا شىمكەنتتە جاڭادان اشىلعان دراما تەاترعا جۇمىسقا تۇرادى.
None
None

از ۋاقىتتىڭ ىشىندە سپەكتاكلدەردە باستى رولدەردى ويناي باستاعان ءامينانىڭ شەبەرلىگىنە كورەرمەندەر ءتانتى بولادى. الايدا، ول ماقتاۋ-ماراپات ارىپتەستەرىنە ۇناماي، قىزعانىشتان بۋلىعىپ جۇرگەندە اكەسى ەرعوجانىڭ ءىنىسى قاپتاعايعا «حالىق جاۋى» دەگەن جالا جابىلادى. «ىزدەگەنگە سۇراعان»، ساحنالاس ارىپتەستەرى «ءامينا ءومىرزاقوۆاعا باستى رولدەردە ساحنادا ويناۋ عانا ەمەس، ەندى بۇل تەاتردا وعان ورىن جوق» دەۋشىلەر كوبەيەدى. باقتالاستارى وسەك- اياڭ ءتۇتىنىن تۇتەتتى. نە كەرەك، ءامينا تەاتردان كەتۋگە ءماجبۇر بولادى.

الماتىعا كەلىپ جۇمىسسىز جۇرگەن ءامينا اعاسىن اقتاپ الۋ ءۇشىن ن ك ۆ د- نىڭ كەڭسەلەرىن جاعالايدى. باسى قاتىپ جۇرگەندە، بىرەۋ ماسكەۋگە بارىپ، كالينينگە جولىعىپ، ماسەلەسىن ايتۋعا كەڭەس بەرەدى. سودان ماسكەۋگە جول تارتادى. ەڭسەسى تىك، ورىسشاسى نىق، ۋاقىت لەگىنە ساي كيىنگەن ءامينا ك س ر و جوعارعى كەڭەسى پرەزيديۋمىنىڭ كەڭسەسىنە وڭاي كىرەدى. قابىلداۋ بولمەسىندە تابىلجىماي وتىرىپ الادى. كالينين شىعىپ بارا جاتقان كەزدە: «سالەمەتسىز بە، جولداس كالينين! مەن قازاقستاننان سىزگە جولىعۋعا ارنايى كەلىپ ەدىم، ءبىر- اق مينۋتقا قابىلداڭىزشى»، - دەپ جىلامسىرايدى. «كابينەتكە كىرىڭىز»، - دەگەن م. ي. كالينيننىڭ ءسوزىن ەستىگەن ءامينا ىلەسە كىرەدى. ءسويتىپ، كالينين قاپتاعاي اعاسىنىڭ اتى-ءجونىن جازىپ الىپ، اق بولسا بوساتپاققا ۋادە بەرەدى. كوپ ۇزاماي اعاسى تۇرمەدەن بوساپ شىعادى. ءامينا الماتىدا ءبىرشاما جۇمىسسىز ءجۇرىپ، كەيىن كينوستۋدياعا مونتاجەر بولىپ جۇمىسقا ورنالاسادى.

سوڭعى جاڭالىقتار