20:07, 19 - قاڭتار 2017 | GMT +5
فەيسبۋك الەۋمەتتىك جەلىسىندە رۋلىق الاۋىزدىق تۋدىرعان شىمكەنتتىك ەكى جىلعا سوتتالدى
استانا. قازاقپارات - شىمكەنتتە الەۋمەتتىك جەلىدە رۋلىق الاۋىزدىق تۋدىرعانى ءۇشىن ەر ادام تۇتقىندالدى، دەپ حابارلايدى قازاقپارات otyrar.kz-قا سىلتەمە جاساپ.

شىمكەنتتىڭ ءال-فارابي اۋداندىق سوتىنىڭ ۇكىمىمەن ازامات ي. س. ق ر قىلمىستىق كودەكسىنىڭ 174-بابى 1-تارماعى بويىنشا ايىپتى دەپ تانىلىپ، ەكى جىل باس بوستاندىعىنان ايىرىلدى.
ءىس ماتەريالى بويىنشا انىقتالعانداي، سوتتالۋشى ي. س. ءوزىنىڭ تانىسى ا. ا. -نىڭ Facebook الەۋمەتتىك جەلىسىندەگى جەكە پاراقشاسىنا كىرىپ، قوڭىرات رۋىنان شىققان قىزدار تۋرالى جازبانى وقىعان. اتالمىش جازبا وعان ۇناماعان جانە جاۋاپ رەتىندە دۋلات رۋىنا جاتاتىن قازاقتار تۋرالى تەرىس پىكىر قالدىرعان.
سوتتىڭ ۇكىمى زاڭدى كۇشىنە ەنگەن جوق.