استانا پروتسەسىنە ا ق ش شاقىرىلدى

استانا. قازاقپارات - ر ف س ءى م ءمينيسترىنىڭ ورىنباسارى ميحايل بوگدانوۆ بەيسەنبى كۇنى ا ق ش ەلشىسى دجون تەففتپەن كەزدەسۋ كەزىندە امەريكالىق تاراپقا قازاقستاننىڭ اتىنان استاناداعى سيريا جونىندەگى كەلىسسوزدەرگە (استانا پروتسەسى) قاتىسۋعا شاقىرتۋ بەرگەنىن مالىمدەدى. بۇل تۋرالى ريا نوۆوستي حابارلادى.
None
None

«ءيا، ءبىز ولاردى شاقىردىق. ءبىزدىڭ قازاقستاندىق دوستارىمىزدىڭ قول قويعان شاقىرتۋىن بەردىك»، - دەپ ايتتى بوگدانوۆ.

ر ف س ءى م باسشىسى سەرگەي لاۆروۆ بۇرىن مالىمدەگەندەي، رەسەي ا ق ش- تى سيريا جونىندەگى كەلىسسوزدەر الاڭىنا (استانا پروتسەسى) شاقىرعان.

بۇدان بۇرىن رەسەي پرەزيدەنتى ۆلاديمير پۋتين تۇرىك كوشباسشىسى تايىپ ەردوعانمەن سيرياداعى سوعىسىپ جاتقان تاراپتارعا استاناداعى جاڭا الاڭدا بەيبىت كەلىسسوز ۇدەرىسىن جالعاستىرۋدى ۇسىنۋ تۋرالى ۋاعدالاسقانىن حابارلاعان. ونىڭ ايتۋىنشا، جاڭا الاڭ جەنيەۆالىق كەلىسسوزدەردى تولىقتىرادى. قازاقستان پرەزيدەنتى نۇرسۇلتان نازاربايەۆ پۋتينمەن جانە ەردوعانمەن تەلەفون ارقىلى سويلەسۋى بارىسىندا بۇل باستامانى قولداپ، استانانىڭ مۇنداي كەلىسسوز وتكىزۋ الاڭىن ۇسىنۋعا ءازىر ەكەندىگىن حابارلاعان.

 

 

سوڭعى جاڭالىقتار