التايداعى قانداستارىمىز شاڭعىنىڭ ەڭ كونە تۇرىنەن جارىستى - فوتو، كەسكىن
قىتاي اقپارات قۇرالدارىنىڭ حابارلاۋىنشا، التايعا قىتاي جانە الەمنىڭ جەر-جەرىنەن تۋريستەر كەلىپ، جەرگىلىكتى قازاقتاردىڭ اڭ تەرىسىنەن جاسالعان قار شاڭعىسىمەن سىرعاناۋ داستۇرىنە كۋا بولىپ قايتادى ەكەن. جەرگىلىكتى قازاقتار قىتاي تاراپىنان 2006 -جىلى «ادامزاتتىڭ ەڭ بايىرعى قار شاڭعى مادەنيەتىنىڭ مۇراگەرى» دەپ تانىلعان.
بۇعان باستى سەبەپ، تاۋلى التايدى مەكەندەگەن قانداستارىمىز اڭ اۋلاۋعا پايدالاناتىن اڭ تەرىسىنەن جاسالعان قار شاڭعىسى قىتاي عالىمدارىنىڭ ارحەولوگتارىنىڭ زەرتتەۋ ناتيجەسى نەگىزىندە 10 مىڭ جىلدىق تاريحى بار بولىپ شىقتى. ال اڭ تەرىسى قاپتالعان شاڭعى قىتاي تاراپىنان «قازاق حالقىنىڭ ماتەريالدىق ەمەس مۇرالار تىزىمىنە» كىرگىزىلگەن.
جەرگىلىكتى تۋريزم سالاسىنىڭ دامۋى كونە قار شاڭعىسى مادەنيەتىنىڭ ودان ارى جالعاسۋىنا جاقسى اسەرىن تيگىزگەن. جەرگىلىكتى قازاق جاستارى بۇل كۇندە كونە ءداستۇردى جانداندىرىپ، ءار جىل سايىن شاڭعى جارىستارىن ۇيىمداستىرىپ كەلەدى ەكەن.
اۆتور: مۇحتار قاليموللا ۇلى
