باس پروكۋراتۋرا اقىلعا سىيمايتىن تەكسەرىستەردى جاريالادى
«ونداي تالاپتار كوپ. كوبىسى ەسكىرگەن، ءتىپتى ەشقانداي لوگيكاعا ساي كەلمەيدى. ماسەلەن، قوعامدىق تاماقتانۋ ورىندارىنا قاتىستى تالاپتارعا سايكەس، قارا نان جانە اق نان بولەك ساقتالۋى قاجەت. ال استىڭعى جانە ۇستىڭگى سورەلەردىڭ اراقاشىقتىعى، كەم دەگەندە، 35 سانتيمەتر بولۋى شارت. سول سياقتى تۇرعىن ۇيلەردە ورنالاسقان نىساندارعا تۇنگى ۋاقىتتا ازىق-تۇلىكتى كىرگىزۋگە رۇقسات جوق. ەندى، ونداي تالاپتار مۇلدەم اقىلعا سىيمايدى. تۇتىنۋشىلار ءۇشىن قارا مەن اق نان بولەك جاتتى ما، بىرگە ساقتالدى ما، ءبارىبىر ەمەس پە؟ ال ول ناننىڭ ەكى ءتۇرىن ءبىر-بىرىنە تيگىزبەيمىز دەسەك، سەللوفانعا دا سالىپ، ساقتاۋعا بولادى عوي. دۇكەندە دە سولاي ىستەمەي مە؟ ال، ەندى، ناندى بولەك ساقتاپ، ونىڭ اراقاشىقتىعىن سانتيمەترمەن ولشەۋ دەگەن لوگيكاعا ساي كەلمەيدى»، - دەدى باس پروكۋراتۋرانىڭ دەپارتامەنت باسشىسى مارات سەكسەمبايەۆ كاسىپكەرلەر قۇقىعىن قورعاۋ جانە سىبايلاس جەمقورلىققا قارسى ءىس- قيمىل كەڭەسىنىڭ بۇگىنگى وتىرىسىندا.
ونىڭ ايتۋىنشا، بۇگىندە باس پروكۋراتۋرا، «اتامەكەن» ۇلتتىق پالاتاسى مەن ۇلتتىق ەكونوميكا مينيسترلىگى بىرلەسە وتىرىپ، اقىلعا سىيمايتىن ونداي تالاپتاردى قىسقارتۋ جۇمىسىنا كىرىستى.
رەسمي مالىمەتكە سايكەس، وتكەن جىلى سانيتارلىق- ەپيدەميولوگيالىق باقىلاۋ سالاسىنداعى تەكسەرىستەردىڭ تەك 43 پايىزى عانا راستالدى.
اۆتور: ارمان اسقاروۆ
