قازاقستاندا كۇنىنە قانشا نارەستە ومىرگە كەلەدى
دەپ حابارلايدى قازاقپارات.
كوپ جاعدايدا ءسابي ولىمىنە پەريناتالدىق كەزەڭنىڭ اسقىنۋى سەبەپ بولادى. سونىمەن بىرگە، 1 جاسقا دەيىنگى بالالار دامۋىنىڭ تۋاءبىتتى اقاۋلارى، تىنىس الۋ جانە قان اينالىم ورگاندارىنىڭ سىرقاتتانۋى سەبەپتى دە قايتىس بولادى.
«رەسپۋبليكادا كۇن سايىن 1 مىڭنان استام، جىل سايىن 400 مىڭنان اسا ءسابي دۇنيەگە كەلەدى. تۋۋ كورسەتكىشى سوڭعى 5 جىلدا 3 پايزعا ءوستى. ەلىمىزدە نارەستە ءولىمىن ازايتۋعا باعىتتالعان شارالاردىڭ ناتيجەسىندە سالماعى 500 گرام جانە ودان اساتىن شالا تۋعان بالالار ءومىر سۇرۋگە مۇمكىندىك الدى. 5 جىلدا سالماعى 1500 گرامعا دەيىنگى ساناتتاعى بالالاردىڭ تىرشىلىككە قابىلەتتىلىگى 30 پايىزعا ءوسىپ، 60 پايىزعا جۋىق كورسەتكىشتى قۇراپ وتىر»، - دەلىنگەن ۆەدومستۆو دەرەكتەرىندە.
اتاپ ايتقاندا، پەريناتالدى كومەك كورسەتۋدە بىرەگەي تاسىلدەردى قولدانۋدى قامتاماسىز ەتۋ ماقساتىندا 300-دەن استام ەمحانالىق حاتتامالار حالىقارالىق ستاندارتتارعا سايكەستەندىرىلىپ، بەكىتىلدى. سونىمەن بىرگە، مەديتسينالىق قىزمەتكەرلەر وقىتىلىپ، مەديتسينالىق جوو- دا وقۋ جانە جۇمىس باعدارلامالارى وزگەرتىلدى.
دامۋدىڭ تۋاءبىتتى كەمىستىكتەرىن ۋاقىتىلى انىقتاۋ ءۇشىن گەنەتيكالىق جانە ۋلترادىبىستىق سكرينينگ جاسالادى. پەرزەنتحانا دەڭگەيىندە نارەستەلەردىڭ ەستۋ قابىلەتى كەمىستىكتەرىن انىقتاۋ بويىنشا سكرينينگ ەنگىزىلگەن.
اۆتور: رۋسلان عابباسوۆ
