پەتر پوروشەنكو اقپان ايىندا ترامپپەن كەزدەسۋگە نيەتتى

بۇل تۋرالى پوروشەنكو داۆوستا وتكەن بۇكىلالەمدىك ەكونوميكالىق فورۋم كەزىندە The Wall Street Journal-عا بەرگەن سۇحباتىندا ايتتى، دەپ جازادى ر ب ك.
ول كەلەسى ايدا ۆاشينگتونعا بارۋدى جوسپارلاپ وتىرعانىن جەتكىزدى. «بۇل (ترامپپەن كەزدەسۋ) مەن ءۇشىن ۇلكەن عانيبەت بولار ەدى»، - دەدى ۋكراينا پرەزيدەنتى.
پوروشەنكو قاراشا ايىندا امەريكانىڭ جاڭا سايلانعان پرەزيدەنتىمەن تەلەفون ارقىلى تىلدەسكەنىن ەسكە سالدى جانە الداعى كەزدەسۋ ءتيىمدى بولماق دەپ پىكىر ءبىلدىردى. ونىڭ ايتۋىنشا، ترامپ اڭگىمە بارىسىندا ۋكرايناداعى وقيعالارعا قاتتى قىزىعۋشىلىق بىلدىرگەن، ونىڭ ىشىندە دونباسس پەن قىرىم ماسەلەلەرى تالقىلانعان. «ءبىزدى ا ق ش- تىڭ ەكى پارتياسى دا قولداپ وتىر، - دەپ اتاپ ءوتتى ۋكراينالىق پرەزيدەنت. - ا ق ش- پەن كووپەراتسيانىڭ جالعاسى وتە ءتيىمدى بولارىنا سەنىمدىمىن».
پوروشەنكو رەسەيگە قارسى سانكسيانىڭ الىنارىنا كۇمانمەن قارايتىنىن ايتتى، دەسە دە باتىس ەلدەرى شەكتەۋ شارالارىن ازايتار بولسا، وزدەرىنىڭ قاۋىپسىزدىگىنە قاۋىپ تونەتىنىن اتاپ ءوتتى.