قازاقستان جەرىن باسىپ وتكەن قىتايدىڭ جۇك پويىزى لوندونعا جەتتى

استانا. قازاقپارات - ۇلى بريتانياعا بەت العان قىتايدىڭ العاشقى سىنامالى جۇك پويىزى 18 - قاڭتاردا لوندوننىڭ ەۋروحابى - باركينگكە جەتتى، دەپ حابارلايدى Railway Gazett.

تاۋارلارعا سۇرانىس نارىعى انىقتالعان سوڭ، بۇل باعىت 2-3-اي كولەمىندە اپتا سايىن جۇرەدى دەپ كۇتىلۋدە. تەمىرجول تاسىمالىنا 18 كۇن كەتتى، بۇل مەرزىم تەڭىز جولىنان ەكى ەسە از جانە اۋە تاسىمالىنان ايتارلىقتاي ارزان.

12 مىڭ شاقىرىمنان اساتىن پويىز جولى قازاقستان، رەسەي، بەلارۋس، پولشا، گەرمانيا، بەلگيا، فرانسيا جانە انگليا ارقىلى وتەدى.

حالىق تۇتىناتىن جانە اۆتوكولىكتىڭ قوسالقى بولشەكتەرى، ەلەكترونيكا سەكىلدى كاپيتالدى قاجەت ەتەتىن تاۋارلار جىبەرەتىن كليەنتتەرگە تەمىرجول قىزمەتى اقىسى ءتيىمدى بولادى.

 ەسكە سالا كەتسەك، قاڭتار ايىنىڭ باسىندا قىتاي قازاقستان ارقىلى لوندونعا باراتىن تۇڭعىش جۇك پويىزىن جىبەرگەن ەدى.