يندونەزيالىق تۋريستەردىڭ الماتىعا دەگەن قىزىعۋشىلىقتارى ارتىپ كەلەدى - ەلشى

استانا. قازاقپارات - الماتى اكىمى باۋىرجان بايبەك قازاقستاندعى يندونەزيا رەسپۋبليكاسىنىڭ ەلشىسى فوستەر گۋلتوممەن كەزدەستى، دەپ حابارلايدى الماتى اكىمدىگىنىڭ باسپا ءسوز قىزمەتى.

تاراپتار ەكىجاقتى ساۋدا- ەكونوميكالىق، مادەني- گۋمانيتارلىق بايلانىستاردى نىعايتۋ ماسەلەلەرىن تالقىلادى.

كەزدەسۋ بارىسىندا مەگاپوليس اكىمى الماتى ءۇشىن يندونەزيانىڭ تۋريستىك كلاستەردى دامىتۋ جونىندەگى تاجىريبەسىنىڭ بەرەرى مول ەكەندىگىن، ال يندونەزيالىق بيزنەسمەندەردى الاتاۋ اۋدانىنداعى يندۋستريالدى ايماق پەن «يننوۆاتسيالىق تەحنولوگيالار پاركى» ا ە ا قىزمەتى قىزىقتىراتىنىن اتاپ ءوتتى.

يندونەزيا ەلشىسى فوستەر گۋلتوم ءوز كەزەگىندە الماتىنىڭ بيزنەس- احۋالدى جاقسارتۋ بويىنشا ۇلكەن جۇمىستار اتقارىپ كەلە جاتقانىن، ينۆەستورلاردىڭ، سونىڭ ىشىندە يندونەزيادان دا كەلگەندىگىن ايتتى.

«ءبىز جاڭا تۋريستىك باعىتتاردى قاراستىرۋدامىز، ەكى ەل اراسىندا تىكەلەي اۋە قاتىناسى جوق، سوعان قاراماستان الماتىعا دەگەن قىزىعۋشىلىق ارتۋدا»، - دەدى فوستەر گۋلتوم.

بۇگىنگى كۇنى تاراپتار اراسىندا ءبىلىم سالاسى بويىنشا ىنتىماقتاستىق دامىپ كەلەدى. يندونەزيالىق «گۋنادارما» ۋنيۆەرسيتەتى، ەسەپتەۋ تەحنيكاسى مەن ينفورماتيكا قاۋىمداستىعى (APTIKOM) مەن قونايەۆ اتىنداعى ەۆرازيالىق زاڭ اكادەمياسى، قىزدار ۋنيۆەرسيتەتى جانە قازاقستاندىق باسقا دا ج و و اراسىندا مەموراندۋمدارعا قول قويىلدى.