قازاقستاندا قاي كولىك ءتۇرىنىڭ ەڭ كوپ ۇرلاناتىنى انىقتالدى

استانا. قازاقپارات - ساقتاندىرۋ قىزمەتكەرلەرى قازاقستاندا قانداي كولىكتىڭ ەڭ كوپ ۇرلاناتىنىن ايتىپ بەردى. بۇل تۋرالى ەكسپرەسس ك باسىلىمى حابارلايدى.
None
None

ەلىمىزدە ۇرىلاردىڭ كوزىنە ەڭ كوپ تۇسەتىن كولىك ءتۇرى - رەسەيلىك «لادا» ەكەن. ەكىنشى ورىندا «تويوتا» تۇرسا، ۇشتىككە «مازدا» اۆتوكولىگى ىلىنگەن.

«نوماد ينشۋرانس»  ساقتاندىرۋ كومپانياسىنىڭ حابارلاۋىنشا، «لادا» ۇرلاپ كەتۋگە وتە قولايلى كولىك. بۇل ماركاداعى كوپتەگەن اۆتوكولىكتەردە دابىل جۇيەسى ورناتىلماعان. ونى سىم تەتىكتەرىن تيگىزىپ وتالدىرا سالۋ دا وڭاي ەكەن.

كوبىنەسە ۇرىلار جۇرگىزۋشىلەردىڭ سالاقتىعىن پايدالانادى. مىسالى، 2015 - جىلى جۇرگىزۋشىلەرى ەسىگىن جابۋدى ۇمىتىپ كەتكەن 2500 كولىكتى قولدى قىلعان. ال كىلتتەرىن جاساتىپ الۋ ارقىلى 169 كولىكتى ۇرلاپ كەتكەن.

كولىك ەڭ كوپ ۇرلاناتىن قالا - الماتى ەكەن. اۋەزوۆ پەن الاتاۋ قالانىڭ ەڭ قاۋىپتى اۋداندارى قاتارىنا جاتادى. ال مەدەۋ اۋدانىندا مۇنداي جاعداي وتە سيرەك تىركەلەدى.

سوڭعى جاڭالىقتار