اتىراۋدا پوليتسيا باسشىسىنىڭ ورىنباسارى بوتەن بىرەۋدىڭ كولىگىن ساتىپ جىبەرگەن

اتىراۋ. قازاقپارات - اتىراۋ وبلىسىنىڭ قۇرمانعازى اۋداندىق سوتى وزىنە تيەسىلە ەمەس كولىكتى ساتىپ جىبەرگەنى ءۇشىن ايىپتالىپ وتىرعان جەرگىلىكتى ىشكى ىستەر ورگانى باسشىسىنىڭ ورىنباسارىنا قاتىستى ۇكىم شىعاردى،
None
None

دەپ حابارلايدى قازاقپارات.

 «اتالمىش ءىستىڭ ءمان- جايىن انىقتاۋ بارىسىندا قىلمىستىق جاۋاپقا تارتىلىپ وتىرعان ءتارتىپ ساقشىسى 2016 -جىلدىڭ شىلدەسىندە ءوزىنىڭ قىزمەت بابىن پايدالانا وتىرىپ، يەسى تاجىكستان ازاماتى بولىپ تابىلاتىن «كاماز» ماركىلى جۇك كولىگىن ءوزىنىڭ تانىسىنا ساتىپ جىبەرگەن. كولىكتىڭ يەسى ونى ساتۋعا كەلىسىمىن بەرمەگەن. سوت پوليتسيا باسشىسى ورىنباسارىنىڭ ارەكەتىن زاڭسىز دەپ تاۋىپ، ونىڭ مۇلكىن تاركىلەي وتىرىپ، 2 مىڭ ا ە ك، ياعني 4 ميلليون 242 مىڭ تەڭگە كولەمىندە ايىپپۇل سالدى. سونداي- اق ول بولاشاقتا مەملەكەتتىك ورگاندار مەن ىشكى ىستەر سالاسىندا ەشقاشاندا دا لاۋازىمدى قىزمەتتى اتقارا المايتىن بولادى. بۇرىنعى ءتارتىپ ساقشىسى سونىمەن قاتار مايور شەنىنەن دە ايىرىلدى»، - دەپ حابارلادى اتىراۋ وبلىستىق سوتىنىڭ باسپا ءسوز حاتشىسى بورانباي عاليەۆ.

سوڭعى جاڭالىقتار