انتاركتيدا مۇزى قاق جارىلدى - كەسكىن

استانا. قازاقپارات - ۇلى بريتانيانىڭ انتاركتيكالىق باسقارماسى ۇشقىشسىز قۇرىلعىنىڭ كومەگىمەن انتاركتيدانىڭ مۇز قاباتىنىڭ جارىلعانىن ءتۇسىرىپ العان.

جارىقتىڭ ۇزىندىعى 40 شاقىرىمدى قۇرايدى، ال ول Halley VI ۇلتتىق ستانساسىنىڭ ۋاقىتشا جابىلۋىنا الىپ كەلگەن.

قۇرلىقتىڭ قيىر وڭتۇستىگىندە پايدا بولعان مۇز قايراڭىنداعى جارىق بريتاندىق عالىمداردىڭ ستانساسىنان نەبارى 17 شاقىرىمداي قاشىقتىقتا، ال جارىقتىڭ ودان ءارى ۇلعايۋ قاۋپى بار. ونىڭ نە سەبەپتى پايدا بولعانىن - جاھاندىق جىلىمىقتان نەمەسە باسقا ءبىر سەبەپتەردەن بولعانىن عالىمدار زەرتتەۋ جۇرگىزگەننەن كەيىن ايتادى.

Halley VI - انتاركتيداداعى ۋەددەلل تەڭىزىنىڭ برانتا مۇز قايراڭىندا ورنالاسقان بريتاندىق پوليارلىق ستانسا.