سيرەك اۋرۋعا شالدىققان استانالىق جالعىز ايەل يسەكەشەۆتەن ءۇي سۇرادى
«مەنىڭ اتىم مولداعۇلوۆا باقىتجان، وتە سيرەك اۋرۋمەن اۋىراتىن 2-توپتاعى مۇگەدەكپىن. 2016 -جىلى باسپانا ماسەلەسىمەن ءسىزدىڭ قابىلداۋىڭىزدا بولعانمىن. سودان بەرى ءۇي ماسەلەسى ءالى شەشىلگەن جوق. بۇكىل انىقتامام بار. «نۇر وتاننىڭ»، دەپۋتاتتاردىڭ قابىلداۋىندا بولدىم. مەن وسىنداي سيرەك دەرتپەن اۋىراتىن استاناداعى جالعىز ناۋقاسپىن. قازىر تىركەۋ ماسەلەسى قوسىلىپ كەتتى. التى رەت وپەراتسيا جاسالدى. قۇجاتتارىم جوعالىپ، تەگىمدى وزگەرتكەن كەزدە مەنىڭ كەزەگىم ءوتىپ كەتكەن. 2013 -جىلدان بەرى ءۇي الا الماي ءجۇرمىن. سوندىقتان، مەنى تۇرعىن ءۇي ماسەلەسى بويىنشا تاعى قابىلداي الاسىز با؟»- دەدى استانا تۇرعىنى ا. يسەكەشەۆكە سۇراق قويا وتىرىپ.
«تۇسىنىكتى. ءسىزدىڭ ماسەلەڭىز ەسىمدە. قازىر استانا قالاسى بويىنشا 42 مىڭ ادام ءۇي كەزەگىندە تۇر. سولاردىڭ ىشىندە، 2000 ادامنىڭ وتباسىندا مۇگەدەك ادامدار بار. تاعى 2000 ادام - جەتىم بالالار. سوندىقتان، باسپانا كەزەگى اشىق ەرەجەمەن جۇمىس ىستەيدى، مەن ءسىزدىڭ ماسەلەڭىزدى وزگەلەردەن بولە- جارا قاراي المايمىن. ءبىراق، ءسىز قۇجاتتارىمدى جوعالتىپ الدىم جانە كەزەگىم ءوتىپ كەتىپتى دەدىڭىز. سوندىقتان، سوتقا جانە پروكۋراتۋراعا بارساڭىز دۇرىس بولادى»، - دەدى يسەكەشەۆ قالا تۇرعىنىنا بەرگەن جاۋابىندا.
ب. مولداعۇلوۆا ءبىراق، سوتقا دا، پروكۋراتۋراعا دا بارعان ەكەن. «اسەت ورەنتاي ۇلى، مەن 2013 -جىلدان بەرى بارماعان جەرىم جوق. سوتقا دا، پروكۋراتۋراعا دا باردىق. ولاردىڭ ايتۋىنشا، مەن وتە سيرەك كەزدەسەتىن اۋرۋمەن سىرقات ناۋقاس بولعان سوڭ، وسىنداي سيرەك كەزدەسەتىن استاناداعى جالعىز ناۋقاسپىن، سوندىقتان، كەزەكسىز ءۇي الۋىم كەرەك ەكەن...»- دەپ جاۋاپ بەردى ب. مولداعۇلوۆا.
ال، «كەزەكتە نەشىنشى ورىندا تۇرسىز»، - دەگەن اكىمنىڭ سۇراعىنا تۇرعىن «وسى كەزەكپەن تۇرسام، ەلۋ جىلدان كەيىن ءۇي الاتىن شىعارمىن»، - دەپ جاۋاپ بەردى. «جاقسى، مەن اپپارات جەتەكشىسىنە تاپسىرما بەرەمىن، ءسىزدى تاعى ءبىر رەت قابىلداپ، ماسەلەڭىزدى تاعى ءبىر رەت قارايىق»، - دەدى ا. يسەكەشەۆ.
