قىتايدا سۋ تارتىلعان كەزدە ەجەلگى بۋددا ءمۇسىنى شىعا كەلدى - كەسكىن

قىتايدىڭ شىعىسىندا سۋدىڭ تارتىلۋىنان سۋ قويماسىندا ەجەلگى بۋددا ءمۇسىنى كورىندى. ونى العاش بولىپ جەرگىلىكتى تۇرعىندار بايقاعان، قازىر ءمۇسىندى ارحەولوگتار زەرتتەۋدە. مامانداردىڭ پايىمداۋىنشا، بۇل مين اۋلەتىنىڭ (1368-1644 -جىلدارى) داۋىرىندە جاسالعان، سول سەبەپتى ونىڭ جاسى 350 جىلدان اسادى، دەپ حابارلايدى ر ي ا نوۆوستي. قىتايلىق ب ا ق- تىڭ مالىمدەۋىنشە، سۋدىڭ دەڭگەيى شليۋز قاقپاسىن جوندەۋگە بايلانىستى 10 مەترگە دەيىن تومەندەگەن، ناتيجەسىندە سۋ بەتىنە بۋددانىڭ ءمۇسىنى شىققان. تاڭقالارلىق ۆيدەوكادرلار YouTube-قا جاريالاندى. عالىمدار سۋ قويماسىنىڭ تۇبىندە، بۋددا ءمۇسىنىنىڭ اياق جاعىندا ەجەلگى عيباداتحانا بولۋى مۇمكىن دەگەن بولجام جاساۋدا. ولار سۋ استى قۇرىلعىسىنىڭ كومەگىمەن بۇل جەردى زەرتتەۋدى كوزدەپ وتىر.