تەلەحيكايا كەزىندەگى جارنامانىڭ كولەمى ازايادى
«مينيسترلىك مۇمكىندىگى شەكتەۋلى ازاماتتاردىڭ قۇقىقتارىن قورعاۋ اياسىندا تەلەارنالارعا پرايم- تايم كەزىندە جاڭالىقتاردىڭ بىرەۋىن سۋردواۋدارمامەن نەمەسە سۋبتيترمەن بەرۋدى ۇسىنىپ وتىر»، - دەدى اجىبايەۆ بۇگىن اقپارات جانە كوممۋنيكاتسيالار زاڭناماسىنا وزگەرىستەردى ەنگىزۋگە ارنالعان قوعامدىق تالقىلاۋدا.
سونداي-اق جارنامانىڭ ۋاقىتىن بىرتە-بىرتە ازايتۋ جوسپارلانعان. ءسويتىپ، تەلەارنالار جارنامانى ءبىر ساعاتقا دەيىن شەكتەيدى. «وسىنىڭ ارقاسىندا ەفيردىڭ ۋاقىتىن جارنامادان تابىس تابۋ ءۇشىن پايدالانۋدى توقتاتىپ، حالىقتىڭ نارازىلىعىن ازايتۋعا بولادى»، - دەيدى ۆيتسە- مينيستر.
ال مەملەكەتتىك ورگاندار مەن قوعامدىق ورىنداردا تەك قازاقستاندىق ارنالاردى عانا قويۋدى مىندەتتەۋ تۋرالى ۇسىنىس بار. بۇدان بولەك، مەكتەپ وقۋشىلارىن جاعىمسىز اقپاراتتان بارىنشا قورعاۋ ماقساتىندا «بالانىڭ جاس ەرەكشەلىگىنە ساي كەلەتىن اقپارات» دەگەن تۇسىنىك ەنگىزىلىپ وتىر. وسىنىڭ ناتيجەسىندە مەكتەپتەردە قاۋىپسىز عالامتور جەلىسىن ۇيىمداستىرۋ جوسپارلانعان. ال حالىقتىڭ اقپاراتتىق مادەنيەتىن كوتەرۋ ءۇشىن بۇقارالىق اقپارات قۇرالدارىنىڭ پاتريوتيزم، ناقتىلىق، ەتيكانى ساقتاۋ جانە تاعى باسقا پرينتسيپتەرىن ەنگىزۋ كوزدەلگەن.
جالپى، بۇگىندە اقپارات جانە كوممۋنيكاتسيالار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭعا قاتىستى 200 گە جۋىق ۇسىنىس بار. ۆيتسە-مينيستر اجىبايەۆتىڭ سوزىنە قاراعاندا، اتالعان زاڭ جوباسى مەملەكەتتىك جانە جەرگىلىكتى اتقارۋشى ورگانداردىڭ قاراۋىنا جىبەرىلدى.
بۇدان بولەك، زاڭگەرلىك، ەكونوميكالىق جانە لينگۆيستيكالىق ساراپتاما بار. وسىدان كەيىن ونى تاعى دا قوعامدىق ۇيىمداردىڭ تالقىلاۋىنا سالۋ جوسپارلانىپ وتىر. «ءسويتىپ، بارلىق جۇمىستى ءساۋىر ايىنىڭ سوڭىنا دەيىن اياقتاپ، مامىردا ونى ماجىلىسكە ەنگىزۋگە تىرىسامىز»، - دەپ اتاپ كورسەتتى اجىبايەۆ.
