22:20, 18 - قاڭتار 2017 | GMT +5
امەريكالىق جۋرناليستەر ترامپقا اشىق حات جولدادى
استانا. قازاقپارات - امەريكالىق جۋرناليستەر ا ق ش- تىڭ سايلانعان پرەزيدەنتى ترامپقا اشىق حات جولدادى، دەپ حابارلايدى russian.rt.com.
حاتتىڭ ماتىنىندە «ۇلىقتاۋ ءراسىمى الدىنداعى سوڭعى كۇندەرى ءبىز ءسىزدىڭ اكىمشىلىگىڭىز بەن جۋرناليستەر اراسىنداعى قاتىناستى انىقتاپ العىمىز كەلەدى»، - دەپ جازىلعان.
حات Columbia Journalism Review جۋرنالىنىڭ باس رەداكتورى كايلا پوۋپانىڭ اتىنان جازىلعان. جۋرناليستەر ترامپتىڭ ولاردىڭ كاسىبي قىزمەتىنە شەكتەۋ قويىپ جاتقاندىعىنا نارازىلىق تانىتۋدا. ترامپ بۇرىنىراق ءوزىنىڭ ۇلىقتاۋ راسىمىنە كەلۋدەن باس تارتقانداردان بيلەتتى كەرى قايتارۋىن سۇراعان. ۇلىقتاۋ ءراسىمى 20 -قاڭتار كۇنى وتەدى.
