توبەلەس شىعارعان «قازاگروقارجى» ا ق توپ- مەنەدجەرلەرى جۇمىستان بوساتىلدى

مينيسترلىكتىڭ مالىمەتتەرى بويىنشا، 2016 -جىلى 15 -جەلتوقساندا ورىن العان وقيعادان كەيىن، قىزمەتتىك تەرگەۋ جۇمىستارى جۇرگىزىلگەن. ونىڭ ناتيجەسى بويىنشا، كورپوراتيۆتىك ەتيكانى بۇزعان «قازاگروقارجى» ا ق توپ-مەنەدجەرلەرى اتقارىپ كەلگەن قىزمەتتەرىنەن بوساتىلدى.
«تەرگەۋ بارىسىندا انىقتالعانىنداي، «قازاگروقارجى» ا ق باسقارما ءتوراعاسىنىڭ ورىنباسارى مەن دەپارتامەنت ديرەكتورى اراسىنداعى داۋ جەكە سەبەپتەردەن تۋىنداعان جانە ولاردىڭ لاۋازىمدىق مىندەتتەرىمەن، كومپانيا قىزمەتىمەن بايلانىستى بولماعان. تەرگەۋ كەزىندە ولاردىڭ «قازاگروقارجى» ا ق- نىڭ كورپوراتيۆتىك ەتيكاسىن بۇزعانى انىقتالدى جانە «قازاگروقارجى» ا ق ديرەكتورلار كەڭەسىنىڭ شەشىمىمەن باسقارما ءتوراعاسىنىڭ ورىنباسارى مەن دەپارتامەنت ديرەكتورى اتقارىپ وتىرعان لاۋازىمدارىنان بوساتىلدى»، - دەلىنگەن حابارلامادا.