قازاقستاندا موبيلدى قوسىمشالار چەمپيوناتى وتەدى

استانا. قازاقپارات - قازاقستاندا nFactorial Challenge موبيلدى قوسىمشالار چەمپيوناتى وتەدى، دەپ حابارلايدى قازاقپارات.

ۇيىمداستىرۋشىلاردىڭ ايتۋىنشا، چەمپيوناتتىڭ جۇلدە قورى 30000 ا ق ش دوللارىن قۇرايدى. موبيلدى قوسىمشالاردىڭ قازاقستاندىق بىرىنشىلىگىندە جەڭىمپاز اتانعاندار اقشالاي سىيلىقپەن قاتار، 12 اپتاعا كرەمني الابىنا جولداما الادى.

چەمپيونات ەلىمىزدىڭ ەڭ ءىرى ءۇش قالاسىندا وتپەك: 21 -قاڭتاردا الماتىدا قازاقستان- بريتان تەحنيكالىق ۋنيۆەرسيتەتى، 28 -قاڭتاردا قاراعاندىدا قاراعاندى مەملەكەتتىك ۋنيۆەرسيتەتى

 جانە 11 -اقپاندا استانادا Nazarbayev University. 3 جەڭىمپازدىڭ ءارقايسىسى اكادەميك ش. ەسەنوۆ اتىنداعى ءبىلىم بەرۋ قورىنان $10,000 الادى. ءاربىر قاتىسۋشى ءوزىنىڭ ءونىمى تۋرالى تانىستىرىلىمدى 2 مينۋتتا وتكىزە ءبىلۋى شارت. ءونىم كەز كەلگەن دامۋ ساتىسىندا: يدەيا، پروتوتيپ جانە ىسكە قوسىلعان قوسىمشا بولسا دا، قازىلار الدىنا ۇسىنىلا الادى.