عالامتوردا پىكىر جازاتىندار ۇيالى تەلەفون ارقىلى تىركەلۋى مۇمكىن

بۇقارالىق اقپارات قۇرالدارى، اقپاراتتاندىرۋ جانە بايلانىس سالاسىنداعى مەملەكەتتىك باقىلاۋ كوميتەتى ءتوراعاسىنىڭ ورىنباسارى ميحايل كوميسساروۆتىڭ ايتۋىنشا، جاڭا زاڭعا ەنگىزىلەتىن اتالعان نورما بەكىتىلسە، پىكىر جازاتىن بارلىق كوممەنتاتورلار جەكە تەلەفون نومىرلەرى ارقىلى اۋتەنتيفيكاتسيادان وتەتىن بولادى.
«بۇل دەگەنىمىز، ءبىر ادام پىكىر قالدىرعىسى كەلسە، الدىمەن ءوز تەلەفون ءنومىرىن ەنگىزەدى. وسىدان كەيىن وعان س م س-حابارلاما كەلەدى. ونداعى كود ارقىلى ول ءوز پىكىرىن جاريالاي الادى. ونداي نورمانىڭ نەگىزگى ماقساتى - ارانداتۋشىلىق ارەكەتتەردىڭ الدىن الۋ. ويتكەنى بۇگىندە كەيبىر ماسەلەلەر بويىنشا تۋىندايتىن «كوممەنتاتورلىق» داۋ-دامايلار شەكتەن اسىپ، ۇلتارالىق كەلىسپەۋشىلىكتەرگە ۇلاسىپ جاتادى. ال ارانداتۋشىلىق ويى بار ادام تەلەفون ءنومىرى ارقىلى پىكىر قالدىراتىن بولسا، ءوزى جازعان ءسوزى ءۇشىن جاۋاپكەرشىلىكتىڭ بولاتىنىن سەزەدى»، - دەپ اتاپ كورسەتتى كوميسساروۆ.
اقپارات جانە كوممۋنيكاتسيالار ۆيتسە-ءمينيسترى الان اجىبايەۆتىڭ سوزىنە قاراعاندا، اتالعان نورما ءالى دە تالقىعا سالىناتىن بولادى. جالپى، اقپارات جانە كوممۋنيكاتسيالار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭعا قاتىستى 200 گە جۋىق ۇسىنىس بار. ارنايى جۇمىس توبى وسى وزگەرىستەردىڭ ءبارىن جان-جاقتى زەردەلەپ شىقتى.
اۆتور: ارمان اسقاروۆ