07:41, 19 - قاڭتار 2017 | GMT +5
ۇلكەن دجوردج بۋش شۇعىل اۋرۋحاناعا جەتكىزىلدى
استانا. قازاقپارات - امەريكالىق حيۋستوندا ا ق ش- تىڭ ەكس- پرەزيدەنتى ۇلكەن دجوردج بۋش اۋرۋحاناعا جاتقىزىلدى، دەپ حابارلايدى KHOU تەلەارناسى ا ق ش- تىڭ بۇرىنعى باسشىسىنىڭ وكىلىنە سىلتەمە جاساپ.

ب ا ق ۇلكەن دجوردج بۋشتىڭ ومىرىنە ەش قاۋىپ ءتونىپ تۇرماعاندىعىن مالىمدەۋدە. ونىڭ نە سەبەپتى اۋرۋحاناعا تۇسكەندىگى ازىرگە بەلگىسىز. بۇرىنعى امەريكالىق كوشباسشىنىڭ وكىلى حابارلاعانداي، بۋش بىرنەشە كۇننەن كەيىن ۇيىنە ورالادى.
دجوردج گەربەرت ۋووكەر بۋش 1924 -جىلى 12 - ماۋسىمدا ماسساچۋسەتستە دۇنيەگە كەلدى. 1989-1993 -جىلدار ارالىعىندا ول امەريكا قۇراما شتاتتارىنىڭ 41- پرەزيدەنتى بولعان.