انتاركتيداعا قالاي جەتۋگە بولادى

استانا. قازاقپارات - قازاق گەوگرافيلىق قوعامى ءتورالقاسىنىڭ ءتوراعاسى تولەگەن تاستانبەكوۆ الەمنىڭ تۇكپىر- تۇكپىرىنە، ونىڭ ىشىندە انتاركتيداعا دا ساپار جاسايتىن ەكسپەديتسيا قۇرامىنا قالاي كىرۋگە بولاتىنىن ايتتى، دەپ حابارلايدى قازاقپارات.

«قازىرگى ۋاقىتتا قاز گ ە و- عا مۇشەلىك ماسەلەسى جان- جاقتى قاراستىرىلىپ جاتىر. ءبىزدىڭ ءوز سايتىمىز، الەۋمەتتىك جەلىلەردە پاراقشامىز بار. سايتتان دا قاراپ وتىرۋعا بولادى. مۇشەلىككە قابىلداۋ الدىن الا جاريا ەتىلەدى. نيەتى بار كەز كەلگەن ادام ءوتىنىش بەرە الادى دەپ ويلايمىن. بۇعان دەيىن اتاپ وتكەنىمدەي ىرىكتەۋ جەكە-جەكە جۇرگىزىلەدى. اڭگىمەلەسۋ وتكىزەتىن كەڭەس بار. فيزيكالىق جانە باسقا دا دايىندىقتارى تەكسەرىلەدى. ەڭ باستىسى ادام مورالدىق جانە فيزيكالىق تۇرعىدا دايىن بولۋى ءتيىس. ال قالعانىن جۇزەگە اسىرۋعا بولادى دەپ ەسەپتەيمىن»، - دەدى ول ورتالىق كوممۋنيكاتسيالار قىزمەتىندەگى بريفينگتە.

ايتا كەتەيىك، ورتالىق كومۋنيكاتسيالار قىزمەتىندەگى بريفينگ بارىسىندا ەكسپەديتسيا كاپيتانى ماعجان ساعىمبايەۆ وڭتۇستىك پوليۋسكە جاساعان ساپارلارى بارىسىندا كەزدەسكەن قيىندىقتارمەن ءبولىسىپ، قىزىقتى ساتتەر جايىندا ايتىپ بەرگەن بولاتىن.

ەستە بولسا، «قازاق گەوگرافيالىق قوعامى» ەل تاۋەلسىزدىگىنىڭ 25 جىلدىعىنا ارناپ، وڭتۇستىك پوليۋسكە ەكىنشى قازاقستاندىق ەكسپەديتسيانى ۇيىمداستىرعان بولاتىن. وتكەن جىلدىڭ جەلتوقسان ايىنىڭ باسىندا وتكەن بۇل ەكسپەديتسياسىنىڭ قۇرامىنا الپينيستەر ءىلياس عالىمبەكوۆ پەن يۋري يۋشين، عالىمدار ءاليا ەرنازاروۆا، ارمان بايمۇحامبەتوۆ جانە داۋلەت ءشارىپوۆ كىردى. قازاقستان رەسپۋبليكاسىنىڭ 25 جىلدىعىنا ارنالعان «تاۋەلسىزدىك پوليۋسى» عىلىمي-زەرتتەۋ ەكسپەديتسياسىنىڭ توپ جەتەكشىسى ماعجان ساعىمبايەۆ بولدى. عالىمدار وڭتۇستىك پوليۋستە ەكولوگيا، بيولوگيا جانە ادام فيزيولوگياسى سالالارىندا زەرتتەۋ جۇمىستارىن جۇرگىزدى. ۆينسون شىڭى وڭتۇستىك پوليۋستەن 1200 شاقىرىم جەردە ورنالاسقان جانە «7 summits»  باعدارلاماسىنا كىرەدى. ەكسپەديتسيا قاتىسۋشىلارى وڭتۇستىك پوليۋسكە دەيىن 200 شاقىرىم جەردى شاڭعىمەن ءجۇرىپ ءوتتى.