ەڭ كەنجە دامىعان ەلدەردەن باج سالىعىنسىز كەلەتىن تاۋارلار ءتىزىمى بەكىتىلدى

بۇل تۋرالى ە ە ك باسپا ءسوز قىزمەتى حابارلادى. ءتىزىم بۇكىلالەمدىك ساۋدا ۇيىمىنىڭ IX مينيسترلەر كونفەرەنسياسىنداعى ەڭ كەنجە دامىعان ەلدەردىڭ تاۋارلارىنا قولجەتىمدىلىكتى ىرىقتاندىرۋ جونىندەگى ۋاعدالاستىقتاردى جۇزەگە اسىرۋ اياسىندا قۇرىلدى. دايىندالعان ءتىزىم تاريفتىك ارتىقشىلىقتارعا يە تاۋارلاردى (ەت جانە قوسالقى تاعامدار، بالىق، ءسۇت ونىمدەرى، بال، جەمىستەر، جاڭعاقتار، كوفە، شاي، كۇرىش، دامدەۋىشتەر، كاكاو بۇرشاقتارى، كوللەكتسيالاۋ جانە انتيكۆاريات بۇيىمدارى، باعالى مەتالدار مەن مارجان، قولدان توقىلعان كىلەمدەر) جانە از دامىعان ەلدەردە تاريفتىك ارتىقشىلىق كەڭەيتىلگەن تاۋارلاردى (قارا جانە ءتۇستى مەتاللدار، ماشينا قۇرىلىسى ونىمدەرىنىڭ كەي تۇرلەرى) قامتيدى.
«ەشقانداي باج سالىعىنسىز كەلەتىن تاۋارلار سانى بارلىق نومەنكلاتۋرانىڭ 62 پايىزدى قۇراعان، - دەپ مالىمدەدى ە ە ك القاسىنىڭ مۇشەسى ۆەرونيكا نيكيشينا. - الداعى ۋاقىتتا باج سالىعىنسىز قولجەتىمدىلىكتى تاۋار نومەنكلاتۋراسىنىڭ 97 پايىزعا دەيىن كوتەرۋدى جوسپارلاپ وتىرمىز».