10:32, 18 - قاڭتار 2017 | GMT +6
اڭشى مۇز ويىعىنا ءتۇسىپ كەتكەن قابانداردى جالاڭ قولىمەن سۋىرىپ الدى
استانا. قازاقپارات - ەرجۇرەك اڭشى مۇز ويىعىنا ءتۇسىپ كەتكەن ءۇش قاباندى قۇلاعىنان تارتىپ، سۋىرىپ الدى. ونىڭ دوستارى تۇسىرگەن بەينەجازبانى «360» تەلەارناسى جاريالادى.
« ءوزىمىز ءتۇسىپ كەتپەيمىز بە؟ مەنىڭ ويىمشا، بۇل قاباندار. اڭشىلىق دەپ وسىنى ايت! ەي، ءبىز سەندەردى قۇتقارۋعا بارا جاتىرمىز!» - دەيدى اڭشىلار.
كادردا ءۇش جابايى اڭنىڭ مۇز قۇرساۋىنا ءتۇسىپ كەتىپ، وزدىگىنەن شىعا الماي جاتقانى ايقىن كورىنگەن. مۇزعا جاقىنداعان اڭشى قاباننىڭ قۇلاعىنان ۇستاپ، سۋدان شىعارادى. ارينە، جابايى دوڭىزدى جىبەرۋگە اسىققان جوق.
«مەنى فوتوعا ءتۇسىر! ۇستاپ الدىم! - دەپ اڭشى بىرنەشە فوتوعا ءتۇسىپ، قاباندى بوساتتى. امان قالعان قابان قامىس اراسىنا كىرىپ كەتتى.
ەكىنشى قاباندى دا اڭشى ەش قيىندىقسىز قۇتقاردى. ال سۋ ىشىندەگى ءۇشىنشى قابان اڭشىعا شابۋىل جاساپ، ءوزىن قۇتقارۋىنا مۇكىندىك بەرەر ەمەس. ءدال وسى ساتتە بەينەروليك ۇزىلەدى جانە ونىڭ قايدا، قاشان تۇسىرىلگەنى بەلگىسىز.
