08:56, 18 - قاڭتار 2017 | GMT +5
سەمەيدە ايۋلار قىستىڭ جىلى بولۋىنان ۇيقىعا ءالى كەتپەدى
استانا. قازاقپارات - بيىلعى قىستىڭ جىلى بولۋىنا بايلانىستى سەمەي قالاسىنداعى بيولوگيالىق باقتا ءومىر سۇرەتىن ايۋلار ۇيقىعا كەتپەي، وياۋ ءجۇر.

توردىڭ ىشىندەگى زيتا مەن گريشا اتتى قوس ايۋ كۇنى بويى ورتالىققا كەلۋشىلەرگە كوتەرىڭكى كوڭىل- كۇي سىيلاپ، ءوز ونەرىن كورسەتەدى. اسىرەسە، زيتا بەلسەندى. ول كەلگەن قوناقتار ءتاتتى بەرمەيىنشە ارتقى اياعىن تومەن تۇسىرمەيدى. جىرتقىش جانۋارلار نەگىزىنەن كوكونىسپەن قورەكتەنەدى.
زووباق ماماندارى وڭىردە ءالى دە كۇن سۋىتىپ، ايۋلار قالىڭ ۇيقىعا كەتەدى دەپ ۇمىتتەنەدى.
«نەگىزى قوڭىر ايۋلاردىڭ ءيىس سەزۋ مۇشەسى قاتتى دامىعان. سوندىقتان ولاردىڭ تاماقتانۋ ءتارتىبى بويىنشا ءبىز ولارعا ساعات تورتتە تاماق بەرەمىز. سول كەزدە ولار شىعىپ تاماقتارىن جەيدى»، - دەيدى بيولوگيالىق باق قىزمەتكەرى سايا تولەۋبەك.
دەرەككوز: «حابار 24» ارناسى.