قارا التىن باعاسى تۇراقتالادى

استانا. قازاقپارات - الەمدەگى مۇناي باعاسى بيىل تۇراقتالۋى ءتيىس. بۇل تۋرالى مۇناي ەكسپورتتاۋشى ەلدەر ۇيىمىنىڭ باس حاتشىسى موحاممەد باركيندو ۆەنەسۋەلاعا ساپارى بارىسىندا مالىمدەدى،

  دەپ جازادى «حابار 24».

ونىڭ ايتۋىنشا، بۇعان وتكەن جىلى و پ ە ك ەلدەرى مەن ءبىرقاتار مەملەكەتتىڭ بىرلەسە قارا التىندى ءوندىرۋ كولەمىن ازايتۋ تۋرالى شەشىمى نەگىز بولعان. ەندى كەلىسىم ناتيجەسىندە مۇنايدىڭ باعامى بۇدان ءۇش جىل بۇرىنعى دەڭگەيىنە جەتىپ، وندىرۋشىلەر مەن تۇتىنۋشىلاردىڭ مۇددەسىنە ساي كەلۋى ءتيىس.

ال ۆەنەسۋەلا پرەزيدەنتى نيكولاس مادۋرو قارا التىننىڭ قۇنى جاقىن ايلاردا- اق 70 دوللارعا جەتەدى دەپ وتىر.

ايتا كەتەيىك، وتكەن جىلى قاراشا ايىندا و پ ە ك ەلدەرى مۇنايدى ءوندىرۋدى 1,2 ميلليون باررەلگە دەيىن ازايتىپ، كۇنىنە 32,5 ميلليون باررەل وندىرۋگە ۋاعدالاسقان. ال جەلتوقساننىڭ 10- كۇنى وعان تاعى ءبىرقاتار مەملەكەت قوسىلدى.