الەمدەگى ەڭ كوپ قولدانىلاتىن قۇپيا ءسوز قانداي

استانا. قازاقپارات - Keeper Security كومپانياسىنىڭ ماماندارى الەمدەگى ەڭ كوپ قولدانىلاتىن قۇپيا ءسوز قايتادان «123456» ساندار تىزبەسى بولعانىن انىقتادى،

دەپ حابارلايدى قازاقپارات لەنتا. رۋ- عا سىلتەمە جاساپ.

ساراپشىلار 2016 -جىلى قۇپيا اقپاراتتاردىڭ بۇزىلىپ، جاريا ەتىلگەن ءىرى جاعدايلارىنا تالداۋ جاسادى. انىقتالعانداي، «123456» جاسىرىن ءسوزىن ينتەرنەتتى قولدانۋشىلاردىڭ 17 پايىزعا جۋىعى قولدانادى ەكەن. ءبىر جىلدا قۇپيا سوزدەردىڭ بۇزىلۋىنان بارلىعى 10 ميلليوننان استام ادام زارداپ شەكتى. ەڭ كوپ قولدانىلاتىن كومبيناتسيالاردىڭ قاتارىنا سونداي- اق، «123456789»، « qwerty»، «12345678» ، «111111» ، «password» ، «123123» ، «123321» ، «google» ،«987654321» جانە «666666» كىرەدى. مامانداردىڭ ايتۋىنشا، وسىنداي قۇپيا سوزدەردىڭ ارقاسىندا الاياقتارعا كوپ باس قاتىرۋدىڭ قاجەتى دە بولمايدى.