برازيليادا سوتتالۋشىلار تۇرمەلەرگە سىيماي جاتىر

استانا. قازاقپارات - برازيليادا جاڭادان 30 عا جۋىق تۇرمە سالىنادى. مۇنداي شەشىمدى ەل پرەزيدەنتى ميشەل تەمەر سوتتالۋشىلار ىستەپ تۇرعان پەنيتەنتسيارلىق مەكەمەلەرگە سىيماي جاتقاندىقتان قابىلداپ وتىر،

 دەپ حابارلايدى قازاقپارات.

 رەيتەر اگەنتتىگىنىڭ جازۋىنشا، بۇل ءۇشىن ەل بيلىگى 300 ميلليون دوللار جۇمسايتىن بولادى. جاڭا بەس تۇرمە قورعاۋ جۇيەسىنىڭ ەڭ جوعارى دەڭگەيىمەن جاراقتالاتىن بولادى، وندا ەڭ قاۋىپتى قىلمىسكەرلەر ۇستالماق. بۇل برازيلياداعى پەنيتەنتسيارلىق جۇيە داعدارىسىن شەشۋ بويىنشا شۇعىل شارالاردىڭ ءبىرى بولىپ تابىلادى. وسى ۋاقىتتا اتالمىش مەملەكەت تۇرمەلەرىندە سوتتالۋشىلار سانى ەكى ەسەگە كوپ. بۇل قاڭتار ايىنان باستاپ تۇرمەلەردە 140 ادامنىڭ قاتىگەزدىكپەن ولتىرىلۋىنە الىپ كەلدى.

 فوتو: Blog for Life