21:10, 17 - قاڭتار 2017 | GMT +6
كرەملدە پرەزيدەنت ۇشاعى نە ءۇشىن جوندەلگەندىگىنە تۇسىنىكتەمە بەرىلدى
استانا. قازاقپارات - ر ف پرەزيدەنتى ۇشاعىن جوندەۋ جۇمىستارى توسىن وقيعاعا بايلانىستى ەمەس.
بۇل تۋرالى مەملەكەت باسشىسىنىڭ باسپا ءسوز حاتشىسى دميتري پەسكوۆ حابارلادى.
ونىڭ ايتۋىنشا، مەملەكەتتىڭ ءبىرىنشى تۇلعالارى قولداناتىن «روسسيا» ارنايى ۇشۋ جاساعىنىڭ بارلىق بورتتارىنا جوعارى تالاپتار قويىلادى.
«سىزدەر مەملەكەت باسشىسى قولداناتىن ارنايى ۇشۋ جاساعى ۇشاقتارىنىڭ ەرەكشە باقىلاۋدا ۇستالاتىندىعىن، تالاپتىڭ، تەكسەرىستىڭ جانە ت. ب. جوعارى ەكەندىگىن بىلەسىزدەر»، - دەپ اتاپ ءوتتى پەسكوۆ.
بۇدان بۇرىن «يزۆەستيا» گازەتى ۆلاديمير پۋتيننىڭ شەتەلگە ۇشاتىن «روسسيا» ارنايى ۇشۋ جاساعىنىڭ يل-96-300 ۇشاعى كومكەرمەسىنىڭ ىشىنە قاراي مايىسقاندىعىن حابارلاعان ەدى. اۋە كەمەسىن جوندەۋدەن وتكىزۋ تۋرالى تەندەر مەملەكەتتىك تاپسىرىستار سايتىندا جاريالانعان.
فوتو: ميحايل مەتسەل / ريا نوۆوستي
