پاۆلودارلىق ستۋدەنتتەر كونكيمەن قىز قۋۋ ويىنىن كورسەتتى - كەسكىن

«ۇلتتىق ويىندار نەگىزىندە جاڭا قىسقى ويىندى ويلاپ تابۋ. ەستافەتانىڭ بار شارتى وسى عانا. ءبىزدىڭ ستۋدەنتتەر «كونكيدە قىز قۋۋ» ويىنىن ءمۇز ۇستىندە كورسەتتى. وعان 20 ستۋدەنت اتسالىستى باسقالارى «كونكيدە تەڭگە الۋ» نەمەسە «سنوۋبوردپەن بايگە» سىندى جاڭا ويىن تۇرلەرىن كورسەتە الادى. قازاقستاننىڭ بارلىق جوعارعى وقۋ ورىندارىن بۇل ەستافەتانى جالعاپ كەتۋگە شاقىرامىز بۇل شارانىڭ باستى ماقساتى - ۋنيۆەرسيدادانىڭ ابىرويىن اسقاقتاتۋ مەن جاس بۋىندى ۇلتتىق ويىنعا تارتۋ»، - دەپ ءمالىم ەتتى ۋنيۆەرسيتەتتىڭ باسپا ءسوز قىزمەتىندە.
ايتا كەتەيىك، XXVIII قىسقى ۋنيۆەرسيادا ويىندارىنىڭ الاۋىن پاۆلوداردا 26 -قاڭتار كۇنى جاعادى. پاۆلودار وبلىسىنىڭ قۇرمەتتى ازاماتتارى مەن ارداگەر سپورتشىلار، سونداي-اق جان-جاقتى دارىندى ستۋدەنتتەر الاۋدى جاعىپ، قالا كوشەلەرىندە ءجۇرىپ وتەدى. 11 شاقىرىمعا سوزىلعان شاراعا 60 ادام قاتىسادى دەپ كۇتىلۋدە.
«س. تورايعىروۆ اتىنداعى پ م ۋ- دە ساعات 10.00 دە الاۋ جاعىلادى. مۇندا تەاترلاندىرىلعان كورىنىس كورسەتىلەدى. مارە ساعات 14.00-دە «استانا» مۇز سارايىندا وتەدى دەپ جوسپارلانۋدا. مۇز سارايىندا حوككەيشىلەر مەن كونكيمەن ءجۇرۋ جانە باسقا دا سپورت شەبەرلەرى ونەرىن كورسەتەدى»، - دەدى وبلىستىق دەنە شىنىقتىرۋ جانە سپورت باسقارماسىنىڭ باسشىسى مارات ايداشەۆ وبلىستىق اكىمدىكتە وتكەن جيىندا.