قازاقستان ءتولقۇجاتى رەيتينگ بويىنشا ورتالىق ازيادا الدىڭعى ورىندا

استانا. قازاقپارات - مونرەالدا ورنالاسقان Passport Index ۇيىمىنىڭ سايتىندا ەڭ «مىقتى» ءتولقۇجاتى بار ەلدەردىڭ رەيتينگى جاريالانعان.
None
None

باعالاۋدىڭ نەگىزگى ولشەمدەرىنىڭ ءبىرى رەتىندە ۆيزاسىز قانشا ەلگە بارۋعا بولاتىنىنا ءمان بەرىلەدى. ءبىرىنشى ورىندى 157 ەلگە ۆيزاسىز بارۋعا مۇمكىندىك بەرەتىن گەرمانيا يەلەنگەن.

سينگاپۋر ەكىنشى ورىندا. ازياداعى بۇل ەلدىڭ پاسپورتى بار ازامات ەشقانداي ۆيزاسىز 156 مەملەكەتكە بارا الادى. ەكىنشى ورىندى سينگاپۋر شۆەتسيامەن بولىسەدى.

ءۇشىنشى ورىندا دانيا، فينليانديا، فرانسيا، يسپانيا، شۆەيساريا، نورۆەگيا، ۇلى بريتانيا جانە ا ق ش تۇر. بۇل ەلدەردىڭ تۋريستەرى ەشبىر كەدەرگىسىز 155 ەلدى ارالاي الادى.

رەيتينگكە سۇيەنسەك، قازاقستاندىقتار ۆيزاسىز 69 ەلگە بارا الادى. Passport Index رەيتينگىندە ءبىزدىڭ ەلىمىز 56- ورىندى يەلەندى. بۇل ورىندى قازاقستان ومان كورولدىگى مەن بوتسۆانامەن بولىسەدى.

رەسەي پاسپورتى - 39-، بەلارۋس - 57- ورىندا تۇر. قىرعىزستان مەن قىتاي 66- ورىندى، وزبەكستان - 70، تۇركىمەنستان - 75- ورىنداردى قاناعات تۇتقان.

 

سوڭعى جاڭالىقتار