سەرىك احمەتوۆكە جانە ونىڭ ىسىنە قاتىستى باسقا دا ادامداردىڭ شىعىنداردى وتەۋ بويىنشا شەشىمى كۇشىن جويدى

«قاراعاندى قالالىق قازىبەك ءبي اتىنداعى №2 سوتىنىڭ 2016 -جىلدىڭ 17 -قازانىنداعى شەشىمىنىڭ كۇشى جويىلسىن. ءىس قايتا قارالۋ ءۇشىن وسى سوتقا جىبەرىلسىن. جاۋاپتىلاردىڭ اپەللياتسيالىق ءوتىنىشى جارتىلاي قاناعاتتاندىرىلسىن»، - دەگەن شەشىم شىعاردى قاراعاندى وبلىستىق سوتى گۇلسۋنا يبرايەۆا.
شەشىمنىڭ كۇشىن جويۋىن وسى ءىستىڭ پروكۋرورلارى سۇراعان. ولاردىڭ پىكىرى بويىنشا، قاراعاندىنىڭ اكىمى ءوتىنىش بەرۋگە ۋاكىلەتتى ەمەس.
بۇرىن حابارلانعانداي، قاراعاندى قالالىق قازىبەك ءبي اتىنداعى №2 اۋداندىق سوتىنىڭ 2016 -جىلدىڭ 17 -قازانىنداعى ۇكىمىمەن سەرىك احمەتوۆ پەن باسقا دا ەكس- شەنەۋنىكتەردەن 153,3 ميلليون تەڭگە الىنعان ەدى. مەملەكەتكە كەلتىرىلگەن ماتەريالدىق شىعىندى وتەۋ تۋرالى قاراعاندىنىڭ اكىمى ازاماتتىق تۇرعىدا ءوتىنىش بىلدىرگەن بولاتىن. تالاپكەردىڭ ايتۋىنشا، قالا كوشەلەرىندەگى سىرتقى جارىقتاندىرۋ تىرەكتەرىن اۋىستىرۋ ءۇشىن ماتەريالدار مەن ىستىق مىرىشتاۋ قىزمەتتەرىنىڭ قۇنى جوعارى بولعان.
ەسكە سالا كەتەيىك، 2015 -جىلى جەلتوقسان ايىندا قاراعاندى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى بۇرىنعى پرەمەر- مينيستر س. احمەتوۆ پەن باسقا دا لاۋازىمدى تۇلعالارعا قاتىستى ءىس بويىنشا ۇكىمى شىعاردى.
اتالمىش ءىس بويىنشا 7 ءتۇرلى ەپيزودقا سايكەس بارلىعى 21 ادام ايىپتالعان بولاتىن. سوت تالقىلاۋى 2015 -جىلعى 10 -تامىزدا باستالىپ، ءتورت ايعا سوزىلدى. سوت تەرگەۋى مەن سوت جارىسسوزدەرى 2015 -جىلعى 9 -جەلتوقساندا اياقتالدى.
قاراعاندى وبلىستىق سوتىنىڭ قىلمىستىق ىستەر بويىنشا اپەللياتسيالىق سوتى 2016 -جىلدىڭ 14 -ناۋرىزدا جەمقورلىق قىلمىستىق ىسكە قاتىستى سوتتى بولعان 11 ادامنىڭ جازاسىن جەڭىلدەتتى. سونىڭ ىشىندە سەرىك احمەتوۆتىڭ جازاسى 10 جىلدان 8 جىلعا دەيىن ازايتىلدى.