ەكى قولىنان ايىرىلعان جىگىت كولىك ايداپ، كومپيۋتەرمەن قىزمەت اتقارىپ ءجۇر - فوتو

استانا. قازاقپارات - 7 جىل بۇرىن قىرعىزستاندىق سامات اسىلبەك ۇلى توق سوعىپ، ەكى قولىنان ايىرىلعان.
None
None

بۇل وقىس وقيعا جاس جىگىتتىڭ ساعىن سىندىرعان جوق. سول كەزدە ساماتتىڭ جالعىز ارمانى - جاساندى قول سالدىرتۋ ەدى. ول جاساندى قول سالدىرتسا، كولىك ايدايتىنىن دا ايتقان.

بۇل تۋرالى ازاتتىق حابارلايدى.

قازىر ماقساتىنا بەرىك ازامات كولىك ايداپ، جوعارى وقۋى ورنىندا وقىپ، بىشكەك قالاسىنىڭ حالىققا قىزمەت كورسەتۋ ورتالىعىندا قىزمەت اتقارىپ ءجۇر.

«العاشىندا مۇمكىندىگى شەكتەلگەن بولسا، ءبىز قانداي جۇمىس ىستەتەمىز دەگەن قورقىنىش پايدا بولدى. كەڭەس كەزەڭىنەن بەرى بىزدە «مۇمكىندىگى شەكتەۋلى جاندار تولىققاندى ءومىر سۇرە المايدى. ولار تەك مۇگەدەكتەر زەينەتاقىسىن الىپ، ءتورت قابىرعادا قادالىپ وتىرادى» دەگەن پىكىر قالىپتاسقان. ءبىزدىڭ جۇمىسىمىز تىكەلەي كومپيۋتەرمەن بايلانىسقاندىقتان ساماتتان «كومپيۋتەرمەن جۇمىس ىستەي الاسىڭ با؟» دەپ سۇرادىق. ول ىستەي الاتىنىن ايتىپ، ءتىنتۋىر مەن پەرنەتاقتانى جەرگە قويىپ بەرۋىن سۇرادى. ءسويتىپ اياعىمەن جۇمىس ىستەدى»، - دەيدى بىشكەك قالالىق تىركەۋ ءبولىمىنىڭ قىزمەتكەرى اينۇر تەمىروۆا.

جىگىتتىڭ اناسى ۇلى قوعامنان الاستاپ، شەكتەلىپ قالا دەپ قورىققانىن ايتادى.

 н

1480914437_20abaev2

«ۇلىم مۇگەدەك بولىپ قالدى عوي دەپ قورىقتىم. ءبىراق ءقازىر ۋنيۆەرسيتەتتە 3-كۋرستا وقىپ جاتىر. كولىك الدى. كولىگىن ءوزى ايدايدى. قايراتتى بولا ءبىلدى. سوعان قۋانام» ، - دەيدى اناسى كۋرمانبۋ سۇلتانالييەۆا.

 12541105_1682848595333061_4055825204964399910_n

«ءوزىمدى ەرەكشەمىن دەپ ەسەپتەمەيمىن. ەل قاتارلىمىن دەپ سانايمىن. وكىنگەننەن پايدا جوق. ودان گورى العا ۇمتىلۋ كەرەك»، - دەيدى سامات.

 243715892_1280x720

ەندى سامات ارماندارىن بىرتىندەپ ىسكە اسىرىپ جاتىر. باسىنا تۇسكەن قيىندىقا مويىماعان جىگەرلى جىگىتتىڭ تاعى ءبىر ۇلكەن ارمانى بار. ول - اياق- قولسىز تۋسا دا، جەتىستىكتەرگە جەتە بىلگەن قوعام تۇلعاسى، امەريكالىق نيك ۆۋيچيچپەن كەزدەسۋ.

«مۇمكىن مەن دە بىرەۋلەردى رۋحتانىراتىن شىعارمىن. ال، ماعان نيك ۆۋيچيچ قانات ءبىتىردى. ونىمەن كەزدەسكىم كەلەدى. كوپ ۋاقىتتان بەرى ول تۋرالى ىزدەپ، وقىپ ءجۇرمىن» ، - دەيدى سامات.

وكىنىشپەن ءومىر كەشىپ، ماعىناسىز عۇمىر كەشۋ - سامات اسىلبەك ۇلىنا جات قىلىق. ۋاقىتتى بوسقا وتكىزگەنشە العا ۇمتىلعاندى ءجون كورەتىن سامات ءوز ەلىندە- اق كوپ ادامعا ۇلگى بولىپ ءجۇر.

سوڭعى جاڭالىقتار