بۇدان بىلاي جازاسىن وتەگەندەرگە «سوتتالماعان» دەگەن انىقتاما بەرىلەدى

وڭىرلىك كوممۋنيكاتسيالار قىزمەتىندە وتكەن بريفينگتە قازاقستان رەسپۋبليكاسى باس پروكۋراتۋراسىنىڭ اتىراۋ وبلىسى بويىنشا باسقارما باسشىسىنىڭ ورىنباسارى جانىبەك سەمعاليەۆ مۇنىڭ سەبەبىن ءتۇسىندىردى.
قىلمىسى تۋرالى مالىمەتتى جويۋ ءۇشىن ءتيىستى جازاسىن وتەگەن ازامات جەكە كۋالىگىمەن حالىققا قىزمەت كورسەتۋ ورتالىعىنا بارۋى كەرەك. وندا ءوتىنىشىن تولتىرىپ، 3 مينۋت ىشىندە سوتتىلىعى جوق تۋرالى انىقتاما قۇجات الا الادى.
«كەيبىر مەكەمەلەر ازاماتتاردى جۇمىسقا قابىلداۋ كەزىندە ولاردان سوتتالماعاندىعى تۋرالى انىقتاما اكەلۋدى تالاپ ەتەدى. بۇل بۇرىن سوتتىلىعى بولعان ازاماتتاردىڭ نارازىلىعىن تۋدىرىپ كەلگەن ەدى. ازاماتتاردىڭ قۇقىن قورعاۋ ماقساتىندا وسى ماسەلە باس پروكۋراتۋرادا قارالدى. «مەملەكەتتىك قىزمەتتەر تۋرالى» ق ر زاڭىنىڭ 13-بابىنا سايكەس، ستاندارتتى تۇردە كورسەتىلەتىن مەملەكەتتىك قىزمەت تىزىمدەمەسىنە قىزمەتتى ەنگىزگەن كۇننەن باستاپ ءۇش ايدىڭ ىشىندە بەكىتىلەدى»، - دەدى باسقارما باسشىسىنىڭ ورىنباسارى جانىبەك سەمعاليەۆ.
2017 -جىلدىڭ 2-توقسانىنان باستاپ بۇرىن قىلمىستىق جاۋاپكەرشىلىككە تارتىلعان، سوتتىلىقتارى جويىلعان نەمەسە الىنىپ تاستالعان ازاماتتار انىقتامانى «سوتتىلىعى جوق» دەگەن بەلگىمەن الۋىنا بولادى.