كينوتەاترلار قازاقتىڭ كينوسىن ىڭعايلى ۋاقىتقا نەگە قويمايدى

استانا. قازاقپارات - «قازاق حاندىعى. الماس قىلىش» فيلمىنىڭ رەجيسسەرى رۇستەم ءابدىراشتىڭ ويىنشا، كينوتەاترلاردا وتاندىق فيلمدەردى كورسەتۋ ۋاقىتىن زاڭمەن بەكىتىپ قويعان دۇرىس.
None
None

ايتپەسە، بۇگىندە ونداي جەرلەردە قازاقتىڭ كينوسىن ىڭعايسىز ۋاقىتقا قويىپ وتىرادى، دەپ حابارلايدى قازاقپارات ءتىلشىسى.

«ونداي پروبلەما بۇرىننان بەرى بار. ماعان دا اقتاۋ، اتىراۋ، اقتوبە جاقتان وسى ماسەلە بويىنشا حابارلاسقاندار بولدى. ءبىز ديستريبيۋتورعا قوڭىراۋ شالدىق. ءبىراق ولاردىڭ ايتۋىنشا، فيلمنىڭ ۋاقىتىن كينوتەاترلاردىڭ وزدەرى قويادى. بۇل ماسەلە زاڭمەن رەتتەلمەگەن. ءبىر عانا تالاپ بار، بەس ادام بيلەت ساتىپ السا، ولار مىندەتتى تۇردە سول كينوسەانسقا كىرۋى ءتيىس. ءبىراق ۋاقىتىن كينوتەاتر بەلگىلەيدى. دەگەنمەن، ءدال وسى پروبلەمانى زاڭمەن بەكىتىپ العان ءجون. سول كەزدە كينوتەاترلاردان فيلمنىڭ ۋاقىتىن تالاپ ەتۋگە بولادى. وتاندىق كينەماتوگرافتى قورعاۋ قاجەت. سەبەبى امەريكالىق فيلمدەردىڭ، سونداي-اق كورشى ەلدەردىڭ كينوەكسپانسياسى قاتتى. باسقا مەملەكەتتەر وعان توتەپ بەرىپ، زاڭدى تۇردە ءوز نارىعىن قورعاپ وتىر. بىزگە دە ءوز مۇددەمىزدى، ءوز تاريحىمىزدى، ءوز مادەنيەتىمىز بەن ءتىلىمىزدى قورعايتىن ۋاقىت كەلدى»، - دەيدى ءابدىراش.

ايتا كەتەيىك، ۇكىمەتتىڭ بۇگىنگى وتىرىسىندا وتاندىق كينويندۋستريانى دامىتۋ ماسەلەسى قارالدى. وعان ەلىمىزدىڭ تانىمال ارتىستەرى مەن رەجيسسەرلەرى قاتىستى. اسان-ءالى ءاشىموۆ ەۋروپانىڭ قازاقتى «قىز جىبەك» فيلمى ارقىلى قالايشا تانىعانىن جەتكىزىپ، قارجى مينيسترلىگىنىڭ كينونى تۇسىرۋگە بولىنەتىن اقشانى كەسىپ تاستايىنى ءۇشىن پرەمەر- مينيستر باقىتجان ساعىنتايەۆقا ارىزداندى. رەجيسسەر رۇستەم ءابدىراش تا اقشانىڭ تاپشىلىعىنان قانداي قيىندىقتارعا تاپ بولاتىنىن ايتىپ بەردى. جالپى، وسى سالانىڭ ماماندارى «كينو تۋرالى» زاڭدى تەزدەتىپ قابىلداۋدى سۇراپ وتىر.

اۆتور: ارمان اسقاروۆ

سوڭعى جاڭالىقتار