الەمدىك قاۋىمداستىق ءبىرىڭعاي انتيتەرروريستىك مايدان قۇرا الماي وتىر - رەسەي سىرتقى ىستەر ءمينيسترى

ماسكەۋ. قازاقپارات - ماسكەۋدە ر ف سىرتقى ىستەر ءمينيسترى سەرگەي لاۆروۆتىڭ 2016 -جىلعى ديپلوماتيا قورىتىندىلارىنا ارنالعان باسپا ءسوز ءماسليحاتى وتۋدە، دەپ حابارلايدى قازاقپارات اگەنتتىگىنىڭ ماسكەۋدەگى مەنشىكتى ءتىلشىسى.
None
None

شارانى اشقان لاۆروۆ الەم الدىندا تۇرعان تەرروريستىك قاۋىپتىڭ جىل ساناپ ارتىپ جاتقاندىعىنا الاڭداۋشىلىق ءبىلدىردى جانە حالىقارالىق قاۋىمداستىقتىڭ وعان قارسى دارمەن كورسەتە الاتىن ءبىرىڭعاي كۇشتى قۇرا الماي وتىرعاندىعىنا نالىدى.

«قاۋىپ-قاتەر ءالى سەيىلگەن جوق. ەڭ نەگىزگى قاۋىپ - ءوزىنىڭ قانقۇيلى ءىسىن جۇزەگە اسىرىپ وتىرعان حالىقارالىق لاڭكەستىك. تەرروريزم ماسەلەسى جۇيەلى باعىتقا كوشتى. حالىقارالىق قاۋىمداستىق جۇمىلىپ، وعان قارسى تۇرا الاتىن امبەباپ انتيتەرروريستىك مايدان قۇرا الماي وتىرعانى قىنجىلتادى»، - دەدى لاۆروۆ.

ر تف  س ءى م باسشىسى اتاپ وتكەنىندەي، بۇل پروبلەما الەمگە ءوزىنىڭ عانا قۇندىلىقتارىن ەنگىزىپ، ءبىرپوليارلى ىقپال ەتۋ تۇجىرىمداماسىن ساقتاۋعا تالپىنىپ جۇرگەن ءبىر جانە بىرنەشە مەملەكەتتىڭ موينىنا ارتىلاتىنىن مەڭزەدى. لاۆروۆتىڭ ويىنشا، باتىستىڭ قازىرگى قۇندىلىقتار جۇيەسى رەسەي ءۇشىن كەلمەيتىندىگىن اتاپ ءوتتى.

«بۇل ءبىزدىڭ اتادان بالاعا تاراپ كەلە جاتقان قۇندىلىقتارىمىزعا تۇبەگەيلى ساي كەلمەيدى. ءبىز ونى ارى قاراي دا ساقتاپ، ءوزىمىزدىڭ كەيىنگى بۋىندارىمىزعا دا تاراتۋعا قۇلىقتىمىز. سىرتقى ساياسي ايقاستاردىڭ ورتالىعى بىزگە جانە كوپتەگەن وزگە دە ەلدەرگە جاڭا باتىس قۇندىلىقتارىن قابىلداۋعا تالاپ قوياتىنى، ادامدىق كوزقاراس بويىنشا تىم ادەپسىز كورىنەدى، ال كاسىبي حالىقارالىق مامان كوزقاراسى بويىنشا، بۇل ءتىپتى ۇلكەن قاتەلىك جانە حالىقارالىق قارىم- قاتىناستاعى ءوزىنىڭ ىقپالىن اسىرا باعالاۋشىلىق بولىپ سانالادى»، - دەپ ءتۇيدى ويىن ر ف س ءى م باسشىسى.

اۆتور: جاسۇلان جولدىبايەۆ

سوڭعى جاڭالىقتار