الماتى اكىمى مينيسترلەرگە تاۋارلاردى جەڭىلدىكپەن ساتۋ جايىندا ايتىپ بەردى

سپورتشىلار جاتاتىن قالاشىقتىڭ ءدال جانىندا ەتنواۋىل فەستيۆالى وتەدى. ال باس شتابتىڭ الدىندا مۋلتيمەديالىق قۇرىلعىلارمەن جابدىقتالعان كيىز ءۇي ورناتىلادى. «بۇدان بولەك، قاڭتاردىڭ 20 سى مەن اقپاننىڭ 10 ى ارالىعىندا قالادا جەڭىلدىكتەر فەستيۆالى وتەدى. وعان 100 گە جۋىق ساۋدا ورتالىعى قاتىسادى. تاۋارلاردىڭ باعاسى 10-80 پايىزعا دەيىن تومەندەتىلەتىن بولادى»، - دەپ اتاپ كورسەتتى بايبەك.
ايتا كەتەيىك، قاڭتاردىڭ 23- كۇنى بۇكىلالەمدىك قىسقى ۋنيۆەرسيادا قالاشىعىنا سپورتشىلار ورنالاسا باستايدى. https://kaz.inform.kz/news/23-ۋنيۆەرسيادا كەزىندە 7 مىڭنان استام پوليتسيا قاۋىپسىزدىكتى قامتاماسىز ەتەدى. تەحنيكالىق، سانيتارلىق جانە ەكولوگيالىق نورمالارعا ساي ەمەس كولىكتەر الماتىعا كىرگىزىلمەيدى.
الماتى قالاسىندا وتەتىن ۋنيۆەرسياداعا الەمنىڭ 59 ەلىنەن 2 مىڭنان استام سپورتشى قاتىسادى. قازاقستاننىڭ نامىسىن 168 سپورتشى قورعايدى. الماتى قالىسىنىڭ اكىمى باۋىرجان بايبەكتىڭ ايتۋىنشا، رەسەي، قىتاي، كانادا سياقتى مەملەكەتتەر الماتى ۋنيۆەرسياداسىنا ۇزدىك سپورتشىلارىن اتتاندىرعالى وتىر.